Matthew 5:12 - New Testament in Braid Scots 1904 (William Wye Smith)

¹² “Joy ye, and be blythe! for yere meed is great in Heeven! for eʼen sae did they to the prophets afore ye!

Matthew 5:12 Iomraidhean Croise

Matthew 16:27

“For the Son oʼ Man comes in the glorie oʼ his Faither, wiʼ the Angels; and than sal he gie every man accordin as his wark sal be.

Matthew 6:16

“And again, whan ye are fastin, ye arena to be as the pretenders, wiʼ wae iʼ yere faces; for they mar their looks, that they may kythe afore men as fastin. Aye, aye! say I, they too hae their reward!

Luke 13:34

“O Jerusalem! Jerusalem! that slays the prophets, and stanes them that are sent to thee! hoo aft hae I been fain to gaither in thy bairns, like as a hen her cleckin under her wings — and ye wadna!

Luke 6:23

“Blythe be ye iʼ that day, and lowp for joy! for lo! yere meed is great Aboon: for in siclike mainner did their faithers to the prophets.

Luke 6:35

“But loʼe yeʼre enemies, and do them gude, and lend, lookin for naething back; and yere meed sal be great, and ye sal be bairns oʼ the Maist Heigh; for he is kindlie to the ungratefuʼ and the reprobate.

Acts 16:25

And aboot the midnicht, Paul and Silas war prayin, and hymnin God; and the prisoners war hearin them.

Acts 5:41

And they gaed oot frae the face oʼ the Heigh‐Cooncil, blythe that they war coontit wordie oʼ dreein ill for Jesusʼ sake.

Romans 5:3

And no this alane, but eʼen rejoice in oor troubles; kennin that troubles work oot lang‐tholin;

1 Corinthians 3:8

And he that plants, and he that watirs, are baith ane: hoobeit, ilk ane sal hae his ain reward, eʼen as his labour sal be.

2 Corinthians 4:17

For the wee bit passin sorrow that we hae, is workin oot for us, aye mair and mair, a mair excellent and eternal wecht oʼ glorie;

Philippians 1:29

For, to you was gien as a favor, no only to be haein faith in Christ, but eke in his behauf to be sufferan:

Philippians 2:17

But, gin I am eʼen to be offerʼt on the sacrifeece and service oʼ yere faith, I am blythe in mysel and blythe wiʼ you.

Colossians 1:24

Noo I am blythe to suffer on yere behauf, and am fillin up what was wantin oʼ the Christ‐tribulations in my flesh, on account oʼ his body, that is the kirk:

Colossians 3:24

Kennin that frae the Lord sal ye duly receive the gree, eʼen the inheritance: to the Lord Christ are ye doin service.

1 Thessalonians 2:15

Wha slew baith the Lord Jesus Christ, and the Prophets; and us they persecute, and are displeasin to God, and contrary to aʼ men;

Hebrews 10:34

For ye took the pairt oʼ thae in bonds, and tholed the poindin oʼ yere gear wiʼ joy, kennin that ye hae for yersels better and ever‐bidin gear.

Hebrews 11:26

Reckonin the reproach oʼ the Anointit Ane as unco better than aʼ the gear oʼ Egypt; for he was lookin awa to the giean oʼ the reward.

Hebrews 11:33

Wha, throwe faith prevailed ower kingdoms, wrocht richtousness, obteened promises, dang the mooth oʼ lions.

Hebrews 11:6

But, wantin faith, it isna possible to be weel‐pleasin to him; for he that comes to God maun needs hae faith that he is, and that to thae that seek him a Rewarder is he.

James 1:2

Aʼ joy coont it, my brethren; whan ye come intil mony trials.

James 5:10

Tak ye, brethren, for yere likeness oʼ sufferan and patience, the Prophets that spak iʼ the name oʼ the Lord.

1 Peter 4:13

But in sae far as ye marrow wiʼ Christ in his sufferans, rejoice ye; that, at the unfauldin oʼ his glorie, ye may rejoice wiʼ muckle joy.