Matthew 5:10 - New Testament in Braid Scots 1904 (William Wye Smith)

¹⁰ “Happy the ill‐treatit anes for the sake oʼ gude: for theyʼse hae the kingdom oʼ God!

Matthew 5:10 Iomraidhean Croise

Matthew 10:23

“But whan they persecute ye iʼ this toun, flee till anither; for truly say I tʼye, Yeʼse no be ower the cities oʼ Israʼl till whan the Son oʼ Man comes!

Matthew 19:14

But Jesus said, “Lat the wee bairns come to me, and dinna forbid them; for sic anes mak up the Kingdom oʼ Heeven!”

Matthew 25:34

“Then wull the King say to them on his richt haun, ‘Come ye, aʼ blessed oʼ my Faither! Inherit the Kingdom made ready for ye frae the up‐biggin oʼ the warld!

Matthew 5:3

“Happy the spirits that are lown and cannie: for the kingdom oʼ Heeven is waitin for them!

Mark 10:14

But when Jesus saw it, he was unco displeased, and said to them, “Lat the wee anes come to me: hinner‐them‐na: for oʼ siccan anes is the kingdom oʼ God!

Mark 10:30

“But sal win a hunner‐fauld noo in this time — hooses, and brithers, and sisters, and mithers, and bairns, and mailins, wiʼ persecutions; and iʼ the warld to come, eternal life!

Luke 21:12

“And, afore aʼ thae things, they wull lay hauns on ye; and wull persecute — giean ye up to kirks and dungeons — leadin awa afore kings and governors for my nameʼs sake.

Luke 22:29

“And I gie to you, eʼen as my Faither gies to me, a Kingdom.

Luke 6:20

And he liftit up his een on his disciples, and quoʼ he, “Happy, ye destitute! for yours is Godʼs Kingdom.

Luke 6:22

“Happy are ye, whan men sal hate ye, and whan they sal separate ye, and miscaʼ ye, and cast oot yere name as vileness, for the Son oʼ Manʼs sake.

John 15:20

“Keep mind oʼ the word I gied ye, ‘The servant isna aboon the Maister!’ Gin they hae persecutit me, they wull eʼen persecute you; gin they mind my sayin, they wull mind yours.

Acts 5:40

And to him they greeʼd; and, bringin forrit the Apostles, they bade them be cloured, and chairged them no to be speakinʼ iʼ the name oʼ Jesus; and loot them gang.

Acts 8:1

And Saul was ane wiʼ them, in his death. And thar gat up, that day, an unco persecution again the Kirk‐folk oʼ Jerusalem; and aʼ, except the Apostles, war scattered abreid throwe aʼ the kintra‐side oʼ Judea and Samaria.

2 Corinthians 4:17

For the wee bit passin sorrow that we hae, is workin oot for us, aye mair and mair, a mair excellent and eternal wecht oʼ glorie;

Philippians 1:28

And no bein fleyʼt in ony thing by thae opposin their sels: whilk, in truth, is for them a token oʼ destruction, but oʼ yere salvation; and this frae God.

2 Timothy 2:12

“Gin we dree, we sal eke reign thegither; gin we deny, he too wull deny us;

2 Timothy 3:11

Persecutions, sufferins; whatna things happened to me in Antioch, in Iconium, in Lystra; whatna persecutions I dreed; and oot oʼ them aʼ the Lord brocht me!

James 1:12

Happy he wha tholes trial! for, sae being appruvʼt, he sal hae a croon oʼ Life, promised oʼ the Lord to thae that loʼe him!

James 5:11

Look! we caʼ thae happy wha tholed. Oʼ Jobʼs patience ye hae heard; and the end the Lord had in view ye saw: that the Lord is oʼ muckle tender‐love, and fuʼ oʼ compassion.

1 John 3:12

No like Cain, wha was oʼ the Ill‐ane, and slew his brither. And for why did he slay him? For that his warks war ill, and his britherʼs richtous.

Revelation 2:10

“Be‐na‐fleyʼt as to whatna things ye are to dree. And look! the Enemy is aboot to cast some oʼ ye intil thrall, that ye may be testit; and yeʼse hae dool ten days. Be ye leal to death, and I wull gie ye the croon oʼ Life!