Matthew 4:7 - New Testament in Braid Scots 1904 (William Wye Smith)

⁷ Quoʼ Jesus till him, “Ance mair it is putten‐doon, ‘Ye sanna temp the Lord yere God!’ ”

Matthew 4:7 Iomraidhean Croise

Matthew 21:16

And quoʼ they till him, “Hear‐ye‐na what thir anes say?” And Jesus says to them, “Aye! And hae‐ye‐na read, ‘Oot oʼ bairnsʼ and sucklinsʼ mouʼs hast thou ordeenʼt thy praise!’ ”

Matthew 21:42

Jesus says to them, “Did ye nevir read iʼ the word, ‘The stane rejeckit oʼ the masons, the same was made the heid oʼ the corner. Frae the Lord was this: and an unco ferlie in oor eʼen!’

Matthew 4:10

Than quoʼ Jesus till him, “Awa, Sautan! for it is putten‐doon, ‘The Lord yere God sal ye worship; and him alane sal ye serʼ!’ ”

Matthew 4:4

But he, answerin till him, said, “No allenarlie on breid leeves man, but by ilk word oʼ Godʼs mooth!”

Luke 4:12

And answerin, quoʼ Jesus to him, “It is said, ‘Ye sanna temp’ the Lord yere God!’ ”

Acts 15:10

“And noo, hoo are ye tempin God? wiʼ layin a yoke on the disciples that naither oor faithers nor we war steive eneuch to cairry.

Acts 5:9

Than said Peter, “Hoo isʼt ye hae coonsellʼt thegither to temp the Spirit oʼ the Lord? See! the feet oʼ them that hae buryʼt yere gudeman are at the door, and sal cairry ye oot!”

1 Corinthians 10:9

Naither lat us tempt the Lord, eʼen as some oʼ them tempit, and perishʼt wiʼ the serpents.

Hebrews 3:9

“Whan yere forbears tempit me wiʼ a test; and saw my warks forty year.