Matthew 3:12 - New Testament in Braid Scots 1904 (William Wye Smith)

¹² “Whase fanner is in his neive, and heʼse scour‐oot his threshin‐flair, and gaither his wheat intil his girnal; but the cauff wull he burn in nevir‐endin lowe!”

Matthew 3:12 Iomraidhean Croise

Matthew 13:30

“ ‘Lat baith grow thegither till the hairst; and at hairst‐time I wull say to the shearers, “Gaither ye thegither the tares first, and burn them; but gaither ye the wheat intil my barn.’ ”

Matthew 13:41

“The Son oʼ Man sal send oot his Angels, and they sal gaither oot oʼ his kingdom aʼ things that ensnare, and aʼ that do ill;

Matthew 13:42

“And sal cast them intil the lowin furnace; there sal be maenin and cherkin oʼ teeth!

Matthew 13:43

“Than sal the richtous glint forth like the sun, iʼ their Faitherʼs Kingdom. Wha has hearin to hear, lat him hear!

Luke 3:16

John answerʼt, sayin till ane‐and‐aʼ, “I, indeed, bapteeze ye wiʼ watir; but Ane comes wha is michtier than I; the whang oʼ whase shoon I am‐na fit to lout doon and lowse. He sal bapteeze ye wiʼ Holie Spirit and wiʼ fire.

Luke 3:17

“Whase fan is in his neive, and he will redd up his threshin‐floor, and teem his wheat intil his girnal, but the cauff will he burn wiʼ nevir‐endin lowe!”

John 15:2

“Ilka branch in me that bears‐na frute he taks awa; and ilka ane bearin frute he prunes it, sae as it soud produce the mair.