Matthew 28:6 - New Testament in Braid Scots 1904 (William Wye Smith)

⁶ “He isna here! for he is risen, eʼen as he said! Come, see the bit whaur the Lord was lyin.

Matthew 28:6 Iomraidhean Croise

Matthew 12:40

“For as Jonah was thrie days and thrie nichts iʼ the wame oʼ the sea‐monster, sae sal the Son oʼ Man be iʼ the heart oʼ the yirth thrie days and thrie nichts.

Matthew 16:21

Frae that time forrit Jesus begude to schaw till his disciples, hoo that he bude gang to Jerusalem, and dree mony things oʼ the Elders and Heid‐priests and Writers; and be slain; and on the third day be waukened again.

Matthew 17:23

“And they wull slay him; and the third day he wull rise again.” And they war uncolie grieved.

Matthew 17:9

And comin doon frae the mountain, Jesus chairged them, “Schaw ye the vision tae nae man, until the Son oʼ Man rise frae mang the deid!”

Matthew 20:19

“And sal set him ower to the heathen to mock, and to clour, and to crucify; and on the third day he sal rise again.”

Matthew 27:63

“Sir, we mind weel that yon deceiver said whan he was yet leevin, ‘Eftir thrie days I wull arise!’

Mark 16:6

But he says to them, “Be na fleyʼt! Ye seek Jesus, the Nazarene, the Crucifyʼt. He raise! He isna here! See the place whaur they laid him.

Mark 8:31

And he begude to schaw them that the Son oʼ Man maun dree mony things, and be rejeckit oʼ the Elders, and the Heid‐priests, and the Scribes, and be slain; and eftir thrie days to rise again.

Luke 24:12

But Peter raise, and ran to the tomb; and loutin doon, he saw but the linen claes; and gaed awa, debatin in himsel as to what had come to pass!

Luke 24:23

“And no findin his corp, they cam sayin they had seen a vision oʼ angels, that said he was leevin!

Luke 24:44

And he said to them, “Thir are the words I spak tʼye, bein yet wiʼ ye; that they maun needs be fulfilled — aʼ things putten‐doon iʼ the law oʼ Moses, and the Prophets, and Psalms, anent me.”

John 10:17

“And for this dis my Faither loʼe me, for that I lay doon my life, that I micht tak it again.

John 2:19

Jesus said till them, “Mak an end oʼ this temple, and in thrie days Iʼll restore it!”

Acts 2:24

“Wham God raised up, lowsin the stounʼs oʼ death; for it coudna be possible he soud be hauden oʼt.