Matthew 26:45 - New Testament in Braid Scots 1904 (William Wye Smith)

⁴⁵ And he comes till his disciples; and says he tae them, “Sleepin are ye noo, and takin yere rest? Tent ye! the ʼoor is at haun; and the Son oʼ Man is deliverʼt intil the hauns oʼ evil men!

Matthew 26:45 Iomraidhean Croise

John 13:1

Noo, afore the Pasche, Jesus kennin that his ʼoor cam on, whan he soud gang oot frae this warld to the Faither — as he had loʼed his ain iʼ the warld, he loʼed them to the hinmaist.

John 17:1

Sae spak Jesus, and than liftit up his een aboon, and said, “Faither, the ʼoor is here! Glorify thy Son, sae that thy Son soud eʼen glorify thee;

John 12:27

“And noo is my saul unco wanrestie; and what sal I say? Faither! save me frae this ʼoor! But eʼen for this cam I intil this ʼoor!

Luke 22:53

“Thoʼ I was wiʼ ye iʼ the Temple, day by day, ye raxt oot nae hauns again me. But this is yere ʼoor, and the pooer oʼ darkness.”

Matthew 26:18

And he says, “Gang awa intil the citie, tae sic and sic a man, and speir at him, ‘The Maister says, My time is comin; I keep the Pasche at yere hoose wiʼ my disciples!’ ”

Matthew 26:2

“Ye ken that twa days mair, and the Pasche comes; and the Son oʼ Man is deliverʼt up to be crucifyʼt.”

Matthew 26:44

And he left them again, and gaed awa, and prayed a third time, sayin the same words.

Matthew 26:46

“Rise ye, and lat us be gaun! See, he is at haun wha betrays me!”

Mark 14:35

And he gaed forrit a wee, and loutit doon to the grunʼ, and prayed that — gin it coud be — the ʼoor micht pass by him.

John 12:23

And Jesus answerʼt them, and quoʼ he, “The ʼoor is come for the Son oʼ Man to be glorifyʼt.