Matthew 26:41 - New Testament in Braid Scots 1904 (William Wye Smith)

⁴¹ “Tak ye tent, and pray, gin ye faʼ‐na intil temptation! The spirit is indeed wullin, but the flesh is waff!”

Matthew 26:41 Iomraidhean Croise

Matthew 24:42

“Tak gude tent tharfor! for ye ken‐na on what day yere Lord comes!

Matthew 25:13

“Sae, tak ye tent! for ye ken‐na the day nor the ʼoor!

Matthew 26:38

Than says he to them, “My saul is unco sorrowfuʼ, eʼen to death! Bide ye here, and watch wiʼ me!”

Matthew 6:13

“ ‘And lat us no be siftit; but save us frae the Ill‐Ane! For the croon is thine ain, and the micht and the glorie, for evir and evir, Amen!’

Mark 14:38

“Tak tent, and pray! that ye come‐na intil temptation. The spirit is fain, but the flesh is waff.”

Luke 11:4

“ ‘And forgie us oor sins, as we oorsels forgie ilk ane behauden to us! And bring‐us‐na intil temptation!”

Luke 21:36

“But watch ye, at aʼ times, makin supplication that ye may hae strenth to escape aʼ thae things that are comin to pass, and to staun afore the Son oʼ Man.”

Luke 22:40

And comin to the place, he says to them, “Be ye prayin, that ye come‐na intil temptation!”

Luke 22:46

And says to them, “Hoo soud ye be sleepin! Rise ye! and be in prayer, that ye enter‐na intil temptation.”

Luke 8:13

“And thir on the rock are they wha, whan they hear, wiʼ joy welcome the word; but they hae nae rute — wha believe for a wee, and in time oʼ trial faʼ away.

Romans 8:3

For, what coudna be by the Law — in that it was feckless throwe oor flesh — God condemned sin iʼ the flesh, in sendin his ain Son iʼ the image oʼ oor flesh, and because oʼ sin.

1 Corinthians 10:13

Nae trial has come to ye but a human ane; and God is leal and true, and winna lat ye be tryʼt aboon what ye are fit to thole; but wull mak wiʼ the trial a gate oʼ escape, that ye may be able to haud oot.

1 Corinthians 16:13

Tak tent: haud ye fast iʼ the faith; be ye men; be sterk.

1 Corinthians 9:27

But I am haudin my body under, and garrin it do service; least in onywise, haein proclaimed the Joyfuʼ‐message to ithers, I mysel soud be cuisten aside!

Galatians 5:24

But they wha are oʼ Christ Jesus, hae crucifyʼt the flesh, wiʼ its desires and hankerins.

Ephesians 6:18

Wiʼ aʼ prayer and pleadin, prayin aye iʼ the Spirit; and watchin iʼ the same, wiʼ aʼ tholin and pleadin, for aʼ the saunts;

1 Peter 4:7

But the end oʼ aʼ comes on: be ye than oʼ sounʼ mind, and doucely pray ye.

1 Peter 5:8

Be douce; be alert; for Sautan yere fae, as a rampin lion, is gaun aboot, seekin wham to devoor.

2 Peter 2:9

The Lord kens hoo to deliver sic as are godlie oot frae trials; and to keep tae the day oʼ Judgment to to be dealt wiʼ, sic as are ungodlie;

Revelation 16:15

“Behauld I come, as comes a thief! happy he wha is on gaird, and keeping his cleedin, least he gang bare, and they see his shame.”

Revelation 3:10

“For that ye did keep the word oʼ my patience, I sal eʼen keep ye oot oʼ the ʼoor oʼ trial, whilk is coming on the hail warld, to test them dwallin on the yirth.