Matthew 26:25 - New Testament in Braid Scots 1904 (William Wye Smith)

²⁵ And Judas, wha betrayʼt him, spak, and quoʼ he, “Isʼt I, Maister?” He says till him, “Eʼen as ye say!”

Matthew 26:25 Iomraidhean Croise

Matthew 23:7

“And courtesie iʼ the merkits, and to be caʼd ‘Maister! Maister!’ oʼ men.

Matthew 23:8

“But be‐na ye caʼd ‘Maister;’ for ye hae ae Maister, Christ; and aʼ ye are brethren.

Matthew 26:14

Than ane oʼ the Twal, the ane caʼd Judas Iscariot, gaed awa to the Heid‐priests,

Matthew 26:49

And at ance he cam to Jesus, and said, “Hail, Maister!” wiʼ unco kissin.

Matthew 26:64

Jesus says to him, “Ye hae said it! Natheless, I say tʼye, here‐eftir sal ye see the Son oʼ Man seatit at the richt haun oʼ pooer, and cominʼ iʼ the cluds oʼ Heeven!”

Matthew 27:11

And Jesus stude fornent the Governor. And the Governor speirʼt at him, “Are ye the King oʼ the Jews?” And Jesus said to him, “Ye hae said it.”

Luke 22:70

And they aʼ said, “Ye, than, are the Son oʼ God?” And he said, to them, “Sae ye say; for I am!”

John 18:37

Quoʼ Pilate to him, “Are ye a King, than?” Jesus answerʼt, “Ye weel say I am a King. For this end was I born, and for this end cam I to the warld, to gie witness oʼ the truth. Ilka ane wha is oʼ the Truth hears my voice”

John 4:31

But atween times his disciples war ask‐askin him, “Maister! wull ye no eat?”