Matthew 24:7 - New Testament in Braid Scots 1904 (William Wye Smith)

⁷ “For nation sal rise again nation, and kingdom again kingdom; and thar wull be dearth, and yirdins, in a hantle places;

Matthew 24:7 Iomraidhean Croise

Luke 21:11

“And eke great yirdins, and plagues, and famines wull thar be; unco things oʼ dreid, and great tokens iʼ the lift wull thar be.

Acts 11:28

And ane oʼ them, caʼd Agabus, gied an intimation, throwe the Spirit, that an unco famine was to come on the hail warld: whilk aʼ cam aboot under Claudius.

Acts 2:19

“ ‘And I sal gie ferlies iʼ the lift aboon, and tokens iʼ the yirth under; blude and fire‐flauchts, and blindin reek.

Hebrews 12:27

And this: “ance mair” points to the takin awa oʼ thae things that can be shucken, as oʼ things that hae been formed; that thae may remain that canna be shucken.

Revelation 6:12

And I saw whan he lowsed the sixth seal; thar was a great yirdin; and the sun was black as sack‐claith oʼ hair; and the hale mune becam as blude;

Revelation 6:5

And whan he had lowsed the third seal, I heard the third leevin‐ane sayin, “Come!” And I lookit, and lo! a black horse, and he that sat on it had a pair oʼ bauks in his haun.

Revelation 6:6

And I heard a voice iʼ the mids oʼ the fowr leevin‐anes, sayin, “Twa gowpens oʼ wheat for a hauf‐merk, and a forpet oʼ barley for a hauf‐merk; and the oyle and the wine ye are‐na to skaith!”

Revelation 6:8

And I lookit, and lo! a blae horse, and he that sat onʼt had his name “Death,” and the Sheuch followʼt wiʼ him. And he had pooer gien him ower a fowrth pairt oʼ the yirth to slay wiʼ the sword, and wiʼ hungʼer, and wiʼ the death, and wiʼ the wild beass oʼ the yirth.