Matthew 24:5 - New Testament in Braid Scots 1904 (William Wye Smith)

⁵ “For mony sal come in my name, sayin, ‘I am the Anointit Ane!’ and sal lead mony a‐gley.

Matthew 24:5 Iomraidhean Croise

Matthew 24:11

“And mony fause prophets sal rise, and lead mony a‐gley.

Matthew 24:24

“For thar sal rise fause Christs, and fause prophets, and they sal schaw unco signs and ferlies; sae as to lead awa, gin it war possible, eʼen the waled‐oot theirsels.

John 5:43

“Here am I, come in my Faitherʼs name, and ye winna receive me: gin some ither soud come in his ain name, yeʼll receive him.

John 8:24

“Sae said I tʼye, ‘Iʼ yere sins ye sal dee!’ for gin ye believe‐na that I am the Ane, ye sal dee iʼ yere sins!”

John 8:28

Than said Jesus to them, “Whan ye hae up‐liftit the Son oʼ Man, ye sal ken I am he, and do naething oʼ mysel; but oʼ the lear oʼ my Faither, sae speak I thae things.

1 John 2:18

Bairns, it is the last ʼoor; and, eʼen as ye heard tell that antichrist is comin, eʼen noo antichrists are mony; and sae we come to ken it is the last ʼoor.

1 John 2:22

Wha is a leear, gin it be‐na he that denies that Jesus is the Anointit? This is the antichrist, he wha denies the Faither and the Son.

1 John 4:3

And ilka spirit that owns‐na Jesus, is noʼ oʼ God. And this is the spirit oʼ antichrist that ye heard oʼ as comin; and eʼen noo is it iʼ the warld.

Revelation 13:8

And they wull worship him aʼ they that dwall on the yirth, ilk ane whase name isna putten‐doon iʼ the Buik‐oʼ‐Life oʼ the Lamb that was slain frae the fundation oʼ the warld.