Matthew 23:13 - New Testament in Braid Scots 1904 (William Wye Smith)

¹³ “But wae for ye, Scribes and Pharisees, pretenders! for ye steek up the Kingdom oʼ Heeven afore men wha wad gang in; ye naither gang in yersels, nor alloo them to gang in wha wad!

Matthew 23:13 Iomraidhean Croise

Matthew 23:16

“Wae for you, ye blinʼ leaders! whilk say, ‘Wha sal sweer by the Temple, it is nocht; but wha sweers by the Templeʼs gowd, he is hauden!’

Matthew 23:23

“Wae for you, Scribes and Pharisees, pretenders! for ye tithe mint, and dill, and cummin; and pit awa the wechtier things oʼ the Law, justice, mercie and faith. Thir ye behoved to do — no leavin the ither undune.

Matthew 23:25

“Wae for you, Scribes and Pharisees, pretenders; for ye dicht the ootside oʼ the cup and the dish, but within they are fuʼ oʼ reivin and riot!

Matthew 23:27

“Wae for you, Scribes and Pharisees, pretenders! for ye are like whited tombs, whilk look bonnie outside, but within are fuʼ oʼ deid menʼs banes, and aʼ uncleanness.

Matthew 23:29

“Wae for you, Scribes and Pharisees, pretenders! for ye bigg the tombs oʼ the Prophets, and busk the graffs oʼ the gude.

Matthew 3:7

But whan he saw a hantle oʼ the Pharisees and Sadducees come till his bapteezin, quoʼ he to them, “Eh, ye venomous race! Wha has gien ye warninʼ to flee frae comin wrath?

Luke 11:52

“Wae for ye, the Writers! for ye tak awa the key oʼ knowledge: ye gang‐na in yersels, and ye keep back thae that wad gang in!”

John 9:22

Thir things spak the parents, for that they war fleyʼt oʼ the Jews; for the Jews had plottit amang theirsels, that gin ony man soud own him to be the Christ, he soud be putten oot oʼ the kirk.

John 9:24

Sae they caʼd back again the man that had been blinʼ, and quoʼ they to him, “Gie the praise to God! we aʼ ken that this man is no a gude man.”

John 9:34

They answerʼt, and quoʼ they to him, “Ye war born in sin, oot and oot; and wad ye teach us?” And they cuist him oot.

Acts 13:8

But Elymas the magician (for sae is translatit his name), withstude them, seekin to turn the governor‐depute frae the faith.

Acts 5:28

“Did we no chairge ye stricklie no to be teachin iʼ this name? And see! ye hae fillʼt aʼ Jerusalem wiʼ yere teachin, and ettle to bring this manʼs blude on us!”

Acts 5:40

And to him they greeʼd; and, bringin forrit the Apostles, they bade them be cloured, and chairged them no to be speakinʼ iʼ the name oʼ Jesus; and loot them gang.

Acts 8:1

And Saul was ane wiʼ them, in his death. And thar gat up, that day, an unco persecution again the Kirk‐folk oʼ Jerusalem; and aʼ, except the Apostles, war scattered abreid throwe aʼ the kintra‐side oʼ Judea and Samaria.

2 Timothy 3:8

But in siclike way as Jannes and Jambres stude up again Moses, sae thir men staun up again the truth: men aʼ corruptit iʼ their mind; and to be rejeckit as regairds the faith.

2 Timothy 4:15

As to wham, be on yere gaird; for he uncolie resistit oor words.