Matthew 20:21 - New Testament in Braid Scots 1904 (William Wye Smith)

²¹ And he says to her, “What wad ye?” Quoʼ she till him, “Commaun that thir my twa sons may sit, the ane on thy richt haun, and the ither on thy left haun, iʼ thy Kingdom!”

Matthew 20:21 Iomraidhean Croise

Matthew 18:1

Iʼ that ʼoor cam the disciples till Jesus, and quoʼ they, “Wha is boonmaist iʼ the Kingdom oʼ Heeven?”

Matthew 19:28

And Jesus said to them, “In the Aʼ‐Things‐New, whan the Son oʼ Man sal sit on the thron oʼ his glorie, ye as weel sal sit on twalʼ throns, ower the Twalʼ Tribes oʼ Israʼl.

Matthew 20:22

But Jesus answerʼt and said, “Ye kenna what ye seek! Are ye fit to drink oʼ the cup I am to drink oʼ?” They say till him, “We are fit!”

Matthew 20:32

And, comin till a staun, Jesus caʼd them; and said, “What isʼt ye wad hae me do for ye?”

Mark 10:51

And Jesus, answerin him, says, “What wad ye that I soud do till ye?” And the blinʼ man said, “Lord! that I may hae my sicht!”

Mark 16:19

Sae than the Lord Jesus, eftir he had spoken to them, was taʼen up till Heeven, and sat doon on the richt haun oʼ God:

Mark 6:22

And the dochter oʼ this vera Herodias cam in and danced, she sae took wiʼ Herod and them feastin wiʼ him, that the King said to the wench, “Demand oʼ me what ye wull, and Iʼll gie ye!”

Luke 18:41

Sayin, “What wad ye hae me to do for ye?” And he said, “Lord! that I may hae my sicht!”

Luke 19:11

And whilst they war listenin to thir things, he addit and spak a parable, forasmuckle as they war nar Jerusalem, and they expeckit the Kingdom oʼ God was at ance to shine oot.

Luke 22:24

And thar was a heart‐burnin amang them, as to whilk oʼ them soud be heighest?

John 15:7

“But gin ye bide in me, and my words bide in you, ask ye what ye wad hae, and it sal be dune tʼye!

Acts 1:6

And sae they, whan they cam thegither, speirʼt at him, “Lord, do thou at this time bring back the kingdom to Israʼl?”

Romans 12:10

In britherly love schaw tender affection ane to anither; in giean honor, surpassin ane anither.

Romans 8:34

Wha condemns? Christ? wha deeʼt (na, wha raither was raised again), wha is at Godʼs richt haun, and pleadin in oor behauf?

Colossians 3:1

Gin, than, ye war raised frae the deid wiʼ Christ, seek the things on Heigh, whar Christ is, at Godʼs richt haun sittin.