Matthew 19:21 - New Testament in Braid Scots 1904 (William Wye Smith)

²¹ Jesus says to him, “Gin ye wad be perfete, gang and sell aʼ ye hae, and gie it oot to the puir; and ye sal hae gear laid up in Heeven; and come, follow me!”

Matthew 19:21 Iomraidhean Croise

Matthew 16:24

Than quoʼ Jesus to his disciples, “Gin ony man wad come eftir me, lat him deny his sel, and tak up his cross, and follow me.

Matthew 19:20

The lad says, “Aʼ thir I keep! What want I yet?”

Matthew 19:22

But whan the young man heard that sayin, he gaed awa dowie; for he had great estates.

Matthew 19:28

And Jesus said to them, “In the Aʼ‐Things‐New, whan the Son oʼ Man sal sit on the thron oʼ his glorie, ye as weel sal sit on twalʼ throns, ower the Twalʼ Tribes oʼ Israʼl.

Matthew 4:19

And quoʼ he to them, “Follow ye me! and Iʼse mak ye fishers oʼ men!”

Matthew 5:48

“But ye maun be perfete, eʼen as yere Faither Aboon is perfete!”

Matthew 8:22

But Jesus says till him, “Follow ye me! and lea the deid to bury their ain deid!”

Matthew 9:9

And as Jesus gaed on frae that, he saw a man caʼd Matthew, sittin whaur the dues were paid; and he says till him, “Follow ye me!” And he raise, and followʼt him.

Mark 10:21

And Jesus, lookin upon him, loʼed him, and said to him, “Ye hae ae thing wantin; gang, and sell whatsae ye hae, and gae to the puir; and yeʼll hae gear in Heeven: and come, follow ye me!”

Mark 2:14

And, gaun by, he saw Levi, he oʼ Alpheus, in chairge oʼ the tax?-?gaitherin; and says till him, “Come ye wiʼ me!” And he raise, and followʼt him.

Mark 8:34

And caʼin till him the thrang, wiʼ his disciples, he said to them, “Wha ettles to follow me, lat him deny his ain sel, and tak up his cross, and come eftir me!

Luke 12:33

“Sell yere plenishin, and gie awmons: mak to ye wallets that dinna wax auld; gear nevir‐failin aboon! whaur nae reiver comes nar, nor moth dis destroy!

Luke 14:33

“In like mainner, than, ilk ane amang ye, wha isna biddin adieu to aʼ his ain gear, canna be my disciple.

Luke 16:9

“And I say tʼye, Mak to yersels freends oʼ unrichtous gear; that whansaeʼer it may fail ye, they sal tak ye in till everlastin bidin‐places!

Luke 18:22

And, listenin to him, Jesus said, “Ae thing, yet, dae ye want! Sell ye aʼ things that ye hae, and divide wiʼ the needy, and yeʼse hae gude gear in Heeven! And come! follow ye me!”

Luke 5:27

And eftir thir things, he gaed forth and saw a tax‐man, caʼd Levi, presidin at the tax‐liftin; and said to him, “Be followin me!”

Luke 6:40

“A disciple is no aboon his Maister; but, whan perfetit, he sal be as his Maister.

Luke 9:23

And he said to them aʼ, “Gin ony man wad follow me, lat him deny his sel, and tak up his cross ilka day, and follow me!

John 10:27

“My sheep hear my voice, and I ken them, and they follow me.

John 12:26

“Gin ony man wad serʼ me, lat him follow me; and whaur I bide, thar sal my servant bide; gin ony man serʼ me, my Father wull gie him honor.

Acts 2:45

And they sellʼt their mailins and haddins, and portioned aʼ oot, as ony ane had need.

Hebrews 10:34

For ye took the pairt oʼ thae in bonds, and tholed the poindin oʼ yere gear wiʼ joy, kennin that ye hae for yersels better and ever‐bidin gear.