Matthew 18:9 - New Testament in Braid Scots 1904 (William Wye Smith)

⁹ “And gin yere ee ensnare ye, oot wiʼt, and cast it awa; it is gude for ye to enter intil life wiʼ ae ee, raither than wiʼ twa een to be cuisten intil hell‐fire!

Matthew 18:9 Iomraidhean Croise

Matthew 16:26

“For what is a man the better, thoʼ he win the hail warld, and tine his ain saul? or what sal a man gie as caʼtion for his saul?

Matthew 18:8

“And sae, gin yere haun or fit ensnare ye, sned it aff, and cast it awa; it is gude for ye to enter intil life hirplin or maimʼd, raither than wiʼ twa hauns or feet to be cuisten intil nevir‐endin lowe!

Matthew 19:17

And he says to him, “Why div ye speir aboot that whilk is gude? Ane thar is wha is gude; that is God! But gin ye wad enter intil Life, keep the Commaunments.”

Matthew 5:22

“But say I tʼye, Whasae is angry wiʼ his brither‐man, sal be in danger oʼ the Coort: and wha sal say to his brither‐man, ‘Gonyel!’ sal be in danger oʼ the Cooncil: but wha sal say ‘Fule!’ sal be in danger oʼ the fire oʼ hell!

Matthew 5:29

“And gin yere richt ee ensnare ye, oot wʼit, and cast it frae ye! it is for yere gude that ae member soud be destroyʼt, and no that yere hail body soud faʼ intil hell!

Mark 9:47

“And gin yere eʼe ensnare ye, pyke it oot! it is bonnier for ye enterin intil life ae‐eʼed, than wiʼ twa een to be cuisten intil hell,

Acts 14:22

Makin steive the sauls oʼ the disciples, entreatin them to bide iʼ the faith; sayin, “Throwe a hantle oʼ afflictions maun we win to the Kingdom oʼ God.”

Hebrews 4:11

Lat us than gie aʼ tent to enter intil that “Rest”; least ony ane faʼs, iʼ the same example oʼ thrawartness.

Revelation 21:27

And in naegate sal enter intilʼt ocht that defiles, nor ane that dis abomination, or is a leear; but thae wha are putten‐doon iʼ the Lambʼs Buik‐oʼ‐Life.