Matthew 18:8 - New Testament in Braid Scots 1904 (William Wye Smith)

⁸ “And sae, gin yere haun or fit ensnare ye, sned it aff, and cast it awa; it is gude for ye to enter intil life hirplin or maimʼd, raither than wiʼ twa hauns or feet to be cuisten intil nevir‐endin lowe!

Matthew 18:8 Iomraidhean Croise

Matthew 17:27

“But that we gar‐them‐na stummle, gang ye till the Loch; and cast in a heuk, and tak the first fish comin up; and openin its mouʼ, ye sal find a shekel. Tak it, and gie to them for me and you.”

Matthew 25:41

“Then, eke, sal he say to them on his left haun, ‘Awa frae me, ye curst, intil nevir‐endin lowe, made ready for the deevil and his angels!

Matthew 25:46

“And thir sal gang awa intil nevir‐endin pyne; but the richtous intil nevir‐endin life.”

Luke 14:33

“In like mainner, than, ilk ane amang ye, wha isna biddin adieu to aʼ his ain gear, canna be my disciple.

Luke 16:24

“And he, cryin oot, said ‘Faither Abraʼm! hae mercie on me, and send ye Lazarus, sae as he may pit the tip oʼ his fingʼer in watir, and cule my tongue; for I am in anguish in this lowe!’

Romans 13:12

The nicht is far gane; the dawin comes on. Pit we awa, than, the warks oʼ darkness, and lat us tak the wapins oʼ licht!

Revelation 14:10

“He eke sal drink oʼ the wine oʼ the wrath oʼ God, whilk is teemed oot unmixed iʼ the cup oʼ his wrath; and sal be tormentit in lowe and brunstane iʼ the presence oʼ holie Angels, and iʼ the presence oʼ the Lamb.”

Revelation 20:15

And gin ony ane wasna fund putten‐doon iʼ the Buik‐oʼ‐Life, he was cuisten intil the lowin loch.

Revelation 21:8

“But as to the dauntit anes, and the unbelievin, and the abominable, and blude‐shedders, and lecherers, and eidol‐worshippers, and aʼ leears, their pairt is in the loch that lowes wiʼ fire and brunstane, whilk is the second death.”