Matthew 18:10 - New Testament in Braid Scots 1904 (William Wye Smith)

¹⁰ “Tak tent that ye lichtlie‐na ane oʼ thir wee anes; for say I tʼye, that in Heeven their ain Angels aye look upon my Heevenlie Faitherʼs face!

Matthew 18:10 Iomraidhean Croise

Matthew 1:20

But as he had thir things in his mind, see! an Angel oʼ the Lord appearit till him by a dream, sayin, “Joseph, son oʼ Dauvid, binna feared to tak till ye yere wife, Mary; for that whilk is begotten in her is by the Holie Spirit.

Matthew 12:20

“A dentit reed he braks‐na, and the ill‐luntit tow he staps‐na, till true judgment he sends on to victory.

Matthew 18:14

“Eʼen sae, thar is nae desire afore yere Faither in Heeven that ane oʼ thir wee anes soud be lost.

Matthew 18:6

“But whasae sal mak to faʼ ane aʼ thae wee things that lippen tae me, it had been better for him to hae a mill‐stane hung aboot his neck, and he sunk iʼ the deeps oʼ the sea.

Matthew 2:13

Noo whan they had gane, tak tent! an Angel oʼ the Lord appearʼt to Joseph by a dream, and quoʼ he, “Rise, tak till ye the wee bairn, and his mither, and flee intil Egypt, and bide ye thar till I tell ye; for Herod seeks the wee bairn to destroy him.”

Matthew 2:19

But Herod deein, look! an Angel oʼ the Lord by dream appears to Joseph in Egypt.

Matthew 24:31

“And he wull send oot his Angels wiʼ an unco blast oʼ a trumpet, and they sal gaither thegither his chosen frae the fowr wunds, frae ae far‐awa end oʼ Heeven to the ither.

Luke 1:19

And answerin, quoʼ the Angel to him, “I am Gabriel, that staun afore God! and I hae been sent te speak to ye, and to fesh ye thir gude tidins.

Luke 10:16

“Wha is hearin you is hearin me; and wha is gangin you by, is gangin me by; and wha is gangin me by, is gangin‐by him that sent me oot.”

Luke 16:22

“Noo, it cam aboot that the beggar‐man deeʼt, and was carryʼt awa by the Angels, and laid in Abraʼmʼs bosom. And forby, the rich man, too, deeʼt and was buryʼt.

Acts 10:3

He saw in plain vision, about thrie oʼclock iʼ the day, an Angel oʼ God comin in to him, and sayin to him, “Cornelius!”

Acts 12:15

But she, on her side, threepit that it was even sae! But they said, “It is his wraith!”

Acts 12:23

And at ance the Angel oʼ the Lord dang him, for that he gied‐na God the glorie; and he was devoorʼt oʼ worms, and deeʼt.

Acts 27:23

“For ane stude by me this nicht, an Angel oʼ God, whase I am, and to wham I pay service,

Acts 5:19

But the Angel oʼ the Lord, by nicht, cam and unsteekit the doors oʼ the toʼbooth, and feshʼt them oot, and said,

Romans 14:10

But ye, why soud ye condemn yere brither? Or ye, why soud ye lichtlie yere brither? For we sal aʼ present oorsels at Godʼs Judgment‐seat.

Romans 14:21

It is a grand thing no to eat flesh, nor to drink wine, nor to do onything whaurin yere brither is gart to stumble, or is snared, or is made feckless.

Romans 15:1

We that are strang soud be cairrying the burdens oʼ thae that are‐na strang, and no be pleasin oorsels:

1 Corinthians 11:22

What? hae‐ye‐na hooses to eat and drink in? Or, div ye belittle Godʼs kirk, and shame thae that hae nocht? What am I to say tʼye? Am I to compliment ye? I compliment‐ye‐na!

1 Corinthians 16:11

Lat nae ane lichtlie him; but set him forrit in peace, sae as he may come to me; for I am lookin for him wiʼ the brethren.

1 Corinthians 9:22

I becam to the weak, as weak mysel, that I soud win the weak; to aʼ men hae I become aʼ things, that by aʼ thir means I micht save some!

2 Corinthians 10:1

Noo I Paul, mysel, entreat ye by the meekness and canniness oʼ Christ; wha ootwardly to the een am lowly amang ye, but as awa am bauld toward ye;

2 Corinthians 10:10

For “his letters,” says ane, “are vera true, wechty, and oʼ pooer; but his bodily presence is waff, and his discoorse oʼ nae account!”

Galatians 6:1

Brethren, gin aiblins a man be betrayʼt intil a faut, ye wha are spiritual recover sic a ane iʼ the spirit oʼ canniness; lookin to yersel, least ye yersel be tempit.

1 Thessalonians 4:8

He, than, that disna heed, disregairds no a man, but God; wha gies his Holie Spirit to ye.

1 Timothy 4:12

Lat nae man lichtlie yere youth, but be ye a paittern oʼ them that believe, in word, in conducʼ in love, in lealness, in pureness.

Hebrews 1:14

Are‐na they aʼ waitin spirits, sent oot to wait on thae that sal inherit salvation?

Hebrews 9:24

For no intil Holies made‐wiʼ?-?hauns did Christ gang in — that war but figures oʼ the true Holies — but intil Heeven itsel, noo to come plainly afore the face oʼ God for us.

Revelation 8:2

And I saw the seeven Angels wha staun iʼ the presence oʼ God; and thar war giean to them seeven buglehorns.