Matthew 17:4 - New Testament in Braid Scots 1904 (William Wye Smith)

⁴ Than answerʼt Peter, and quoʼ he to Jesus, “Lord! it is guid for us to be here! Gin thou wull, lat us mak here thrie bothies — for thee ane, and for Moses ane, and for Elijah ane.”

Matthew 17:4 Iomraidhean Croise

Matthew 17:3

And look! thar was seen by them Moses and Elijah, speakin wiʼ him.

Luke 9:33

And as they war aboot to pass awa, Peter said to Jesus, “Maister! it is graun for us to be here! And lat us mak thrie bothies, ane for thee, and ane for Moses, and ane for Elijah” — no kennin richt what he was sayin.

John 17:24

“Faither, I wad mair, that they wham thou gies me, soud be wiʼ me whaur I bide; that they may set een on my glorie whilk thou has gien me; for thou loʼed me ʼor the fundation oʼ the yirth.

John 7:2

Noo the Jewsʼ Feast oʼ the Bothies was nar‐haun.

Philippians 1:23

But I am hauden atwixt the twa; haein an unco fainness to be looten awa, and to be wiʼ Christ, for this is far, far better!

1 John 3:2

Beloved, noo are we bairns oʼ God; and it hasna yet been seen what we sal be. But we ken that gin he sal be seen, we sal be like him; for we sal see him; conform to what he is.

Revelation 21:23

And the citie isna wantin for the sun, nor yet for the mune, that they soud be shinin inʼt; for the glorie oʼ God is her licht, and the Lamb is the lamp oʼt.