Matthew 17:23 - New Testament in Braid Scots 1904 (William Wye Smith)

²³ “And they wull slay him; and the third day he wull rise again.” And they war uncolie grieved.

Matthew 17:23 Iomraidhean Croise

Matthew 16:21

Frae that time forrit Jesus begude to schaw till his disciples, hoo that he bude gang to Jerusalem, and dree mony things oʼ the Elders and Heid‐priests and Writers; and be slain; and on the third day be waukened again.

Matthew 17:9

And comin doon frae the mountain, Jesus chairged them, “Schaw ye the vision tae nae man, until the Son oʼ Man rise frae mang the deid!”

Matthew 20:19

“And sal set him ower to the heathen to mock, and to clour, and to crucify; and on the third day he sal rise again.”

Matthew 27:63

“Sir, we mind weel that yon deceiver said whan he was yet leevin, ‘Eftir thrie days I wull arise!’

Mark 8:31

And he begude to schaw them that the Son oʼ Man maun dree mony things, and be rejeckit oʼ the Elders, and the Heid‐priests, and the Scribes, and be slain; and eftir thrie days to rise again.

Mark 9:30

And fra thar they gaed forth, and journeyʼt throwe Galilee; and he wadna that ony man soud ken.

John 16:6

“But, for that I hae said thir things tʼye yere hearts are fuʼ oʼ dool.

John 2:19

Jesus said till them, “Mak an end oʼ this temple, and in thrie days Iʼll restore it!”