Matthew 17:18 - New Testament in Braid Scots 1904 (William Wye Smith)

¹⁸ Than did Jesus challenge the demon, and he gaed forth oot oʼ him; and the laddie was made hale frae that ʼoor.

Matthew 17:18 Iomraidhean Croise

Matthew 12:22

Than was brocht till him ane possessʼd wiʼ a demon, blinʼ and dumb: and he healʼd him, sae that the dumb man spak and lookit.

Matthew 15:28

Than answerʼt Jesus till her, “Eh, wumman! yere faith is great! Lat it be till ye as ye wull!” And her dochter was made hale frae that ʼoor.

Matthew 17:17

And Jesus said, “O race, thrawart and wantin faith? hoo lang sal I be wʼye? hoo lang sal I thole ye? Bring him here to me!”

Matthew 17:19

And than the disciples cam to Jesus, aʼ by their sels, and quoʼ they, “Why wasʼt we couldna cast him oot?”

Matthew 9:22

But Jesus turned him roonʼ, and whan he saw her, said, “Dochter, tak heart! Yere faith has made ye hale!” And the wumman was made hale frae that ʼoor.

Mark 1:34

And he healed mony that war ill wiʼ aʼ diseases; and cuist oot mony demons; and wadna lat the demons speak; for they kent him.

Mark 5:8

For he was sayin till him, “Come forth, thou foul spirit!”

Luke 4:41

And the demons too war gaun forth oʼ mony — cryin oot and sayin, “Ye are the Son oʼ God!” And he rebukit them; and allowʼt‐them‐na to speak; for they kent he was the Messiah.

Luke 8:29

For he commandit the foul spirit to come oot oʼ the man: for aft it had grippit him; and he was keepit in ward, and bund wiʼ fetters and chains; and, rivin his bonds sindry, he was caʼd intil the deserts by the demons.

Luke 9:42

And while he was a‐comin, the demon dang him doon, and manglʼd him. And Jesus challenged the foul spirit, and healed the laddie, and gied him ower to his faither.

Acts 16:18

And this she was doin a gey wheen days. But Paul, sair putten‐aboot, turned and said to the spirit, “I chairge ye, iʼ the name oʼ Jesus Christ, to come oot oʼ her!” And it cam oot that vera ʼoor.