Matthew 16:21 - New Testament in Braid Scots 1904 (William Wye Smith)

²¹ Frae that time forrit Jesus begude to schaw till his disciples, hoo that he bude gang to Jerusalem, and dree mony things oʼ the Elders and Heid‐priests and Writers; and be slain; and on the third day be waukened again.

Matthew 16:21 Iomraidhean Croise

Matthew 12:40

“For as Jonah was thrie days and thrie nichts iʼ the wame oʼ the sea‐monster, sae sal the Son oʼ Man be iʼ the heart oʼ the yirth thrie days and thrie nichts.

Matthew 16:22

Than Peter took him aside, repruvin him; and quoʼ he, “Hae mercy on thyselʼ! this sal nevir be thy faʼ!”

Matthew 16:28

“Truly say I tʼye, thar are thae staunin here, wha sal in naegate pree death, till they hae seen the Son oʼ Man comin in his Kingdom!”

Matthew 17:12

“But say I, Elijah is come already, and they kent him na; but did till him as they desirʼt. Eʼen sae sal the Son oʼ Man dree oʼ them!”

Matthew 17:9

And comin doon frae the mountain, Jesus chairged them, “Schaw ye the vision tae nae man, until the Son oʼ Man rise frae mang the deid!”

Matthew 20:28

“Eʼen as the Son oʼ Man cam‐na to be serʼt, but to serʼ; and to gie up his life a ransom for mony.”

Matthew 26:2

“Ye ken that twa days mair, and the Pasche comes; and the Son oʼ Man is deliverʼt up to be crucifyʼt.”

Matthew 26:47

And eʼen while he yet spak, look! Judas, ane oʼ the Twalʼ, cam, and wiʼ him a great thrang, wiʼ swords, and rungs, frae the Heid‐priests, and elders oʼ the nation.

Matthew 27:12

And bein accused oʼ the Heid‐priests and Elders, he answert nocht.

Matthew 27:63

“Sir, we mind weel that yon deceiver said whan he was yet leevin, ‘Eftir thrie days I wull arise!’

Matthew 28:6

“He isna here! for he is risen, eʼen as he said! Come, see the bit whaur the Lord was lyin.

Mark 8:31

And he begude to schaw them that the Son oʼ Man maun dree mony things, and be rejeckit oʼ the Elders, and the Heid‐priests, and the Scribes, and be slain; and eftir thrie days to rise again.

Mark 9:12

And he answerʼt and tauld them, “Elijah, indeed, dis come first, to pit aʼ things to richts; and yet hoo is it written oʼ the Son oʼ Man, that he maun dree mony things, and be unco lichtlied?

Luke 17:25

“But first maun he dree mony things, and be rejeckit oʼ this generation.

Luke 24:46

And said to them, “Sae is it putten doon, and sae it behovʼd the Messiah to dee, and to rise frae the deid on the third day.

Luke 9:31

Wha schawed theirsels in glorie, and spak oʼ his depairtin, whilk he soud accomplish at Jerusalem.