Matthew 16:11 - New Testament in Braid Scots 1904 (William Wye Smith)

¹¹ “Hoo isʼt ye dinna ken I spak to‐ye‐na anent breid; but to tak tent and beware oʼ the teachins oʼ the Pharisees and the Sadducees!”

Matthew 16:11 Iomraidhean Croise

Matthew 16:1

And the Pharisees and the Sadducees cam, and in a twafauld way speirʼt at him, “Gin he wadna schaw them a token frae Heeven?”

Matthew 16:12

Than saw they hoo he bad them no beware oʼ the barm oʼ the breid, but oʼ the doctrines oʼ the Pharisees and Sadducees.

Matthew 16:6

And Jesus said to them, “Tak tent, and troke ye‐na wiʼ the barm oʼ the Pharisees and Sadducees!”

Matthew 3:7

But whan he saw a hantle oʼ the Pharisees and Sadducees come till his bapteezin, quoʼ he to them, “Eh, ye venomous race! Wha has gien ye warninʼ to flee frae comin wrath?

Mark 4:40

And he said to them, “Why soud ye be fleyʼd? Hae ye no yet faith?”

Mark 8:15

And he warned them, “Tak tent, beware oʼ the barm oʼ the Pharisees, and the barm oʼ Herod!

Mark 8:21

And he says to them, “Dae ye no yet comprehend?”

Luke 12:1

And at a time whan the folk war that thick thegither that they war trampin ower ane anither, he begude to say to his disciples first — “Tak tent to yersels, and be ye ʼware oʼ the barm oʼ the Pharisees, whilk in sooth is pretence.

Luke 12:56

“Ye fause‐anes! ye can scan the face aʼ the yirth and the scaum oʼ the sky; but hoo is it ye ken‐na to jalouse this time?

John 8:43

“Why dae ye no ken my sayin? eʼen for that ye canna hear my word?