Matthew 15:10 - New Testament in Braid Scots 1904 (William Wye Smith)

¹⁰ And he caʼd till him the folk, and quoʼ he to them, “Hear ye, and understaun!

Matthew 15:10 Iomraidhean Croise

Matthew 13:19

“Whan ony ane hears the word oʼ the Kingdom, and understauns‐it‐na, than comes the Ill Ane, and cleeks awa that sawn in his heart: this is he sawn by the fit‐path.

Matthew 15:11

“It isna what gangs intil the mooth that fyles the man; but what comes oot oʼ the mooth that fyles the man!”

Matthew 15:9

“ ‘But aʼ in vain worship they me, layin down for rules the biddens oʼ men.’ ”

Matthew 24:15

“Whan, than, ye see the abomination that ruins aʼ, spoken oʼ by Daniel the Prophet, staunin iʼ the Holie Place (wha reads, lat him tak tent!)

Luke 24:45

Than garʼt he their minds open, that they soud comprehend the Scripturs:

Ephesians 1:17

That the God oʼ oor Lord Jesus Christ, the Faither oʼ glorie, may gie ye a spirit oʼ wisdom and revealin in his knowledge:

Colossians 1:9

And for this, we oorsels, frae what day we heard it, cease‐na prayer and seekin, that ye may be filled wiʼ the fuʼ knowledge oʼ his wull, in aʼ wisdom and spiritual discernment;

James 1:5

Gin ony oʼ ye want wisdom, lat him be seekin frae God, wha gies in rowth till aʼ, and wytes‐na; and it sal be gien him.