Matthew 13:42 - New Testament in Braid Scots 1904 (William Wye Smith)

⁴² “And sal cast them intil the lowin furnace; there sal be maenin and cherkin oʼ teeth!

Matthew 13:42 Iomraidhean Croise

Matthew 13:50

“And sal cast them into the lowin furnace: there sal he maenin and cherkin oʼ teeth!”

Matthew 22:13

“Than said the King to his servants, ‘Bind him haun‐and‐fit, and cast him oot intil the deid‐mirk; thar wull be greetin and cherkin oʼ teeth!’

Matthew 25:41

“Then, eke, sal he say to them on his left haun, ‘Awa frae me, ye curst, intil nevir‐endin lowe, made ready for the deevil and his angels!

Matthew 3:12

“Whase fanner is in his neive, and heʼse scour‐oot his threshin‐flair, and gaither his wheat intil his girnal; but the cauff wull he burn in nevir‐endin lowe!”

Matthew 8:12

“But the sons oʼ the kingdom sal be cuisten oot intil the mirk oot‐by: thar sal be greetin and cherkin oʼ teeth!”

Luke 13:28

“Thar sal be maenin and girnin, whan ye see Abraʼm and Isaac, and Jaucob, and aʼ the prophets, iʼ the Kingdom oʼ God, and ye yersels cuisten oot!

Revelation 14:10

“He eke sal drink oʼ the wine oʼ the wrath oʼ God, whilk is teemed oot unmixed iʼ the cup oʼ his wrath; and sal be tormentit in lowe and brunstane iʼ the presence oʼ holie Angels, and iʼ the presence oʼ the Lamb.”

Revelation 19:20

And the beast was taen, and wiʼ him the fause‐prophet, he that did the ferlies afore him, by whilk he beguiled thae that took the brand oʼ the beast, and thae giean worship to his image; and the twa war cuisten, leevin, intil the loch oʼ fire, lowin wiʼ brunstane.

Revelation 20:10

And the fae, he that was beguilin them, was cuisten intil the loch oʼ fire and brunstane, whaur eke war cuisten the beast and the fause‐prophet; and they sal be tormentit day and nicht, for evir and evir.

Revelation 21:8

“But as to the dauntit anes, and the unbelievin, and the abominable, and blude‐shedders, and lecherers, and eidol‐worshippers, and aʼ leears, their pairt is in the loch that lowes wiʼ fire and brunstane, whilk is the second death.”

Revelation 9:2

And he unsteekit the pit oʼ the abyss; and reek cam up oot oʼ the pit, as the reek oʼ a great furnace; and the sun and the lift war darkenʼt wiʼ the reek oʼ the pit.