Matthew 13:23 - New Testament in Braid Scots 1904 (William Wye Smith)

²³ “But he sawn on the gude grunʼ, this is he wha baith hears and understauns the word; wha eʼen brings forth frute; and gies, this a hunner, that saxty, and the ither thretty.”

Matthew 13:23 Iomraidhean Croise

Matthew 12:33

“Mak aither gude the tree and gude the frute; or els mak ill the tree and ill the frute; for the tree is kent by its frute.

Matthew 13:8

“And some fell on the gude grunʼ, and brocht forth frute — this a hunner, that saxty, and the ither thretty.

Matthew 3:10

“And noo is the aixe brocht to the rute oʼ the trees; and ilka tree bringin na forth gude frute is cuttit doon, and cuisten intil the burnin.

Matthew 3:8

“Fesh than forth the frutes conform till repentance!

Mark 10:15

“Truly say I tʼye, Whasae taks‐na till him the kingdom oʼ God as a wee bairn, heʼse in naegate comin in!”

Mark 4:20

“And yon are they on the gude grunʼ sawn, sic as hear the Word, and tak it in, and bear frute; thretty, saxty, and a hunner‐fauld.”

Luke 13:9

“ ‘And gin it bear frute thar‐eftir, weel; gif it disna, ye sal hae it cuttit‐doon!’ ”

Luke 8:15

“But that iʼ the gude grun are they wha, in an honest and leal heart, hear the word and grip it fast; and, tholin aʼ, bring their frute to perfeteness.

Luke 8:8

“And ither some fell intil the gude grunʼ; and brairdin, brocht forth frute, a hunner‐fauld.” Thir things sayin, he cryʼt alood, “He wha has lugs to hear, let him hear!”

John 15:16

“Ye hae‐na made wale oʼ me, but I hae made wale oʼ you, and made ye sterk; sae as ye soud gang and bring forth frute, and frute that sal bide: that aʼ things ye seek frae the Faither iʼ my name, he may gie ye.

John 8:47

“He that is oʼ God, hears Godʼs words: ye dinna hear them, tharfor, for ye are‐na oʼ God!”

Acts 16:14

And a particular wumman, by name Lydia, a purple‐seller, oʼ the citie oʼ Thyatira, ane devout toward God, heard us; whase heart the Lord openʼt, that she soud tak gude tent to what Paul spak.

Acts 17:11

But thir men war nobler than the anes in Thessalonica, in that they welcomed the message wiʼ aefauld minds, day by day looking weel to the word, gin thir things war sae or no.

2 Corinthians 9:10

Noo he wha gies “seed to the sawer, and breid for eatin,” sal supply and mak lairge yere seed sawn, and mak to flourish the ootcome oʼ yere richtousness;

Philippians 1:11

Bein fuʼ oʼ the frute oʼ richtousness; that whilk is throwe Jesus Christ, to the glorie and praise oʼ God.

Philippians 4:17

No that I seek eftir a gift: but I seek eftir the frute that is to increase to yere accoont.

Colossians 1:10

That ye soud walk in sic mainner wordie oʼ the Lord, until pleasin him; in aʼ gude warks bearin frute, and growin in the lear oʼ God.

Colossians 1:6

That has come to you, eʼen as it is bearin frute and growin iʼ aʼ the warld, sae amang you as weel, frae whatna day ye first heard the sough oʼt, and cam to ken the tender‐love oʼ God in truth:

1 Thessalonians 4:1

And forby, we entreat ye, brethren, and coonsel ye iʼ the Lord Jesus, that eʼen as ye had frae us hoo ye soud be walkin and pleasin God — eʼen as ye are walkin — that ye abound yet mair and mair.

2 Thessalonians 2:10

And aʼ deceitfuʼness oʼ wickedness to thae that are perishin; for that the love oʼ the truth they took‐na ben to them, that they micht be saved.

Hebrews 4:2

For to us has the Joyfuʼ‐message been gien, eʼen as to them; but the word oʼ their hearin did them nae gude, they no makin their sels ane in faith wiʼ thae that hearkenʼt.

Hebrews 6:7

For the grund, that sooks in the aft‐faʼin rain, and brings forth what they wad fain hae wha till it, receives blessin frae God;

Hebrews 8:10

“But this is the covenant I wull covenant wiʼ Israʼlʼs hoose eftir thae days, says the Lord, I wull pit my laws iʼ their minds, and write them on their hearts; and I wull be to them for a God, and they sal be for me a folk.

2 Peter 3:18

But grow ye in lovin‐favor and knowledge oʼ oor Lord and Saviour Jesus Christ. To him be the glorie, baith e‐noo and for evir and aye. Amen!

1 John 5:20

But we ken the Son oʼ God has come, and has gien us an inward sicht, that we may comprehend the True Ane; and we are in the True Ane; in his Son Jesus Christ. This is the true God, and, and life‐for‐aye.