Matthew 13:19 - New Testament in Braid Scots 1904 (William Wye Smith)

¹⁹ “Whan ony ane hears the word oʼ the Kingdom, and understauns‐it‐na, than comes the Ill Ane, and cleeks awa that sawn in his heart: this is he sawn by the fit‐path.

Matthew 13:19 Iomraidhean Croise

Matthew 12:26

“And gin Sautan cast oot Sautan, he is workin again himsel; hoo than wull he mak his kingdom staun?

Matthew 13:20

“And he on the staney bit sawn, is he wha hears the word, and blythely receives it;

Matthew 13:38

“The croft is the warld; the gude seed are the bairns oʼ the Kingdom; but the tares are the bairns oʼ the Ill Ane.

Matthew 4:23

And Jesus gaed ower aʼ Galilee, instructin iʼ their kirks, and giean forth the Blythe‐Message oʼ the Kingdom, and healin aʼ diseases, and aʼ infirmities amang the folk.

Matthew 5:37

“But lat yere answer be, ‘Aye, aye,’ and ‘Na, na!’ for onything mair comes oʼ nae gude.

Mark 4:15

“And thir are they by the fit‐road, whan the Word is sawn; and whansoeʼer they hear, Sautan comes and cleeks awa the Word whilk was sawn amang them.

Luke 10:9

“And heal the sick thar‐in, sayin till them, ‘The Kingdom oʼ God is come nar tʼye!’

Luke 9:2

And he sent them oot to proclaim Godʼs kingdom, and to heal the sick.

John 18:38

Pilate says to him, “What is Truth?” And whan he had sae said he gaed oot again to the Jews, and quoʼ he to them, “I find nae faut in him!

John 8:43

“Why dae ye no ken my sayin? eʼen for that ye canna hear my word?

Acts 17:32

But whan they heard oʼ the Risin‐frae‐the‐deid, a wheen geckʼt at him; but ither some, “We will hear ye again anent this.”

Acts 18:15

“But gin they be quastens anent words, and names, and laws oʼ yere ain — ye sal see to that yersels! Nae judge oʼ siccan things sal I be!”

Acts 20:25

“And noo, tak tent! I ken that nae mair dae ye see my face! ye ʼmang wham I hae gane, proclaimin the Kingdom.

Acts 28:23

Sae, haein set a day, a hantle oʼ them cam to him at his lodgin; and to them he exponed, testifyin oʼ the kingdom oʼ God, and perswadin them anent Jesus, baith frae Moses and the prophets, frae the dawin to the gloamin.

Romans 1:28

And eʼen as they didna seek to keep God iʼ their mind, God gied them ower to a reprobate heart, to do things no fittin:

Romans 14:17

For Godʼs kingdom isna eatin and drinkin, but holiness and peace, and rejoicin in Holie Spirit.

Romans 2:8

To thae, on the ither haun, wha contend, and follow‐na the truth, but follow ill — anger and wrath.

Ephesians 3:8

To me, wee‐er than the wee‐est oʼ aʼ saunts, was gien this gude‐favor, to bring to the nations the Gude‐word oʼ the uncoontit riches oʼ Christ.

2 Thessalonians 2:12

That they micht be judged, ane and aʼ, wha didna lippen to the truth, but delichtit theirsels in unrichtousness.

Hebrews 2:1

And for the sake oʼ aʼ this, we soud ettle sair to haud fast the things that war heard, least at ony time we soud slype awa.

1 John 3:12

No like Cain, wha was oʼ the Ill‐ane, and slew his brither. And for why did he slay him? For that his warks war ill, and his britherʼs richtous.

1 John 5:18

We ken that nae ane begotten oʼ God is sinnin; but anent him wha was begotten oʼ God — he keeps him, and yon Ill‐ane disna touch him.

1 John 5:20

But we ken the Son oʼ God has come, and has gien us an inward sicht, that we may comprehend the True Ane; and we are in the True Ane; in his Son Jesus Christ. This is the true God, and, and life‐for‐aye.