Matthew 11:25 - New Testament in Braid Scots 1904 (William Wye Smith)

²⁵ At that time Jesus spak, and said: “I gie thee thanks, O Faither, Lord oʼ Heeven and Yirth! that thou did hide thir things frae the wyss and the discernin, and did schaw them till weans!

Matthew 11:25 Iomraidhean Croise

Matthew 16:17

And Jesus answerin, says till him, “Happy are ye, Simon, son oʼ John! for nae flesh and blude tellʼt it tʼye, but my Faither iʼ the Heevens.

Matthew 21:16

And quoʼ they till him, “Hear‐ye‐na what thir anes say?” And Jesus says to them, “Aye! And hae‐ye‐na read, ‘Oot oʼ bairnsʼ and sucklinsʼ mouʼs hast thou ordeenʼt thy praise!’ ”

Luke 22:42

And said, “Faither! gif thou be willin, pit this cup frae me! Yet, no my wull, but thine be dune!”

Luke 23:34

But Jesus was sayin, “Faither forgie them; for they see‐na what they are doin!” And, pairtin his cleedin, they cuist the lot.

John 11:41

Than took they awa the stane. And Jesus liftit up his een, and said, “Faither! I thank thee that thou did hear me.

John 12:27

“And noo is my saul unco wanrestie; and what sal I say? Faither! save me frae this ʼoor! But eʼen for this cam I intil this ʼoor!

John 12:28

“Faither, glorify thy name!” Than cam thar a sough oʼ a voice oot oʼ the lift, sayin, “I hae baith glorifyʼt it, and wull again glorify it!”

Acts 17:24

“The God that made the warld, and aʼ things inʼt — he wha is Maister oʼ Heeven and yirth — no in haun‐made temples dwalls, as thoʼ he wantit ocht;

1 Corinthians 2:10

To us, nane‐the‐less, has God revealʼt them, by the Spirit; for the spirit kens aʼ things, eʼen the deep things oʼ God.

2 Corinthians 3:14

But their minds war drumlie. For eʼen to this vera day, the same veil remains at the readin oʼ the auld Covenant, noʼ taen awa; for to be taen awa in Christ.