Matthew 10:27 - New Testament in Braid Scots 1904 (William Wye Smith)

²⁷ “What I tell ye iʼ the mirk, tell ye oot iʼ the licht; and what ye hear whushʼt iʼ the lug, proclaim ye on the hoose‐taps!

Matthew 10:27 Iomraidhean Croise

Matthew 24:17

“Lat him that is on the hoose‐tap no gang doon to tak ony oʼ his plenishin oot oʼ the hoose!

Luke 12:3

“For sic things as ye tellʼt iʼ the mirk, sal be heard iʼ the licht; and what to the secret hearin ye spak iʼ the chaumer, sal be cryʼt on the hoose‐taps.

Luke 8:10

And he said, “To you it is giʼen to win the knowledge oʼ the mysteries oʼ Godʼs Kingdom: but to the lave in parables: sae seein they see‐na, and hearin they understaun‐na.

John 16:1

“Thir things hae I tellʼt ye, that ye soudna stoiter, and be dazed.

John 16:13

“But whan he is come, the Spirit oʼ aʼ truth, he wull airt ye intil aʼ the truth: for he speaks‐na oʼ his sel allenarlie; but what he hears he sal speak: and he sal open tʼye things no yet come.

John 16:25

“Thir things hae I gien ye, as it war, in parables; but the time is at haun that I speak nae mair to ye in parables, but sal schaw ye plainly oʼ the Faither.

John 16:29

Quoʼ the disciples to him, “Aye, noo ye speak to us plain, and divna speak to us in parables!

Acts 17:17

Sae he was reasonin iʼ the kirk wiʼ the Jews and the devout anes; and iʼ the merkits ilka day wiʼ thae he met wiʼ.

Acts 5:20

“Gang ye, and tak yere staun iʼ the Temple, and tell the folk aʼ the words oʼ this life!”

Acts 5:28

“Did we no chairge ye stricklie no to be teachin iʼ this name? And see! ye hae fillʼt aʼ Jerusalem wiʼ yere teachin, and ettle to bring this manʼs blude on us!”

2 Corinthians 3:12

Haein, than, siccan a hope, we use unco plainness oʼ speech;