Matthew 10:15 - New Testament in Braid Scots 1904 (William Wye Smith)

¹⁵ “Truly say I tʼye, It sal be mair tholeable for Sodom and Gomorrah in the day oʼ judgment nor for that citie!

Matthew 10:15 Iomraidhean Croise

Matthew 12:36

“And I say tʼye, Ilka lowse word that men sal say, they sal gie accoont oʼt at the Day oʼ Judgment!

Matthew 5:18

“For truly say I tʼye, Till Heeven and Yirth dwine awaʼ, ae jot or ae tittle fails‐na oʼ aʼ the Law, till aʼ comes to pass!

Matthew 7:22

“Mony a ane wull say to me iʼ that day, ‘Lord, Lord! prophesyʼt we‐na iʼ thy name? And cuist‐we‐na oot demons iʼ thy name? And did‐we‐na mony ferlies iʼ thy name?’

Mark 6:11

“And whatna place wull‐na receive ye, nor hear to ye, as ye gang oot fraeʼt, flaff aff the vera gryminʼ oʼ mool frae yere feet for a witness again them.”

John 12:48

“Wha winna hear me, and winna hae my words, has ane to judge him: the word I hae gien oot, that sal condemn him iʼ the Last Day.

John 6:39

“And here is the Faitherʼs wull wha sent me:— That oot oʼ aʼ he has gien me I soud tine nane, but soud raise aʼ up again at the Last Day.

John 6:40

“And this is his wull wha sent me:— That ilk ane seein the Son, and lippenin on him, may win Life for Aye; and I sal raise him up at the Last Day.”

Acts 17:31

“Inasmuckle as he has set a day, in whilk he sal judge the hail yirth in equity, by a Man that he has appointit; oʼ wham he has gien surety to aʼ men, in that he has raised him frae the deid.”

1 Corinthians 3:13

Ilk aneʼs wark wull be made plain; for the day wull set it forth: and the lowe wull try ilk aneʼs wark, oʼ whatna sort it is.

1 Thessalonians 5:4

But ye, brethren, are‐na iʼ the mirk, that the Day soud come on ye as a thief.

Hebrews 10:25

No lattin‐faʼ the forgatherin oʼ oorsels, eʼen as it is the way wiʼ some; but, perswadin aye; and sae muckle the mair, as ye see the dawin oʼ the day.

2 Peter 2:6

And bringin the cities of Sodom and Gomorrah till assis, whammlʼt them ower in condemnation; settin them forth as a lesson to sic as soud eftir be ungodly.

2 Peter 2:9

The Lord kens hoo to deliver sic as are godlie oot frae trials; and to keep tae the day oʼ Judgment to to be dealt wiʼ, sic as are ungodlie;

2 Peter 3:7

While the heevens and the yirth that are noo, keepit by his word, hae been stored up for fire, for a day oʼ judgment and ruin oʼ ungodlie men.

1 John 4:17

Herein is love perfetit in us, that we may hae freedom oʼ speech iʼ the day oʼ judgment, in that, eʼen as he is, sae are we iʼ this warld.

Jude 1:6

Angels too, thae wha mainteenʼd‐na their ain station, but left their ain place, has he keepit for judgment oʼ a great day, in evir‐durin bonds, in mirkness.

Jude 1:7

As Sodom and Gomorrah, and the cities aboot them, for that in siclike they gaed oot to commit uncleanness, and gaun eftir strange flesh, are set forrit as a warnin, dreein the penalty of endless fire.