Mark 9:13 - New Testament in Braid Scots 1904 (William Wye Smith)

¹³ “But I say tʼye, Elijah is come! and they hae done to him whatsaeʼer they wad, eʼen as it is putten doon concernin him.”

Mark 9:13 Iomraidhean Croise

Matthew 11:14

“And, gin ye but accept it, this is ‘Elijah,’ wha was to come!

Mark 9:12

And he answerʼt and tauld them, “Elijah, indeed, dis come first, to pit aʼ things to richts; and yet hoo is it written oʼ the Son oʼ Man, that he maun dree mony things, and be unco lichtlied?

Mark 9:14

And whan they joined the disciples they saw a great thrang aboot them, and the Scribes speirin at them.

Luke 1:17

“And he sal gang afore him iʼ the spirit and micht oʼ Elijah to weise rounʼ faithersʼ hearts till their bairns, and the dour to the wyss‐heid oʼ the gude; to mak ready for the Lord a prepared folk.”

Acts 7:52

“Wham oʼ the prophets didna yere faithers persecute? And they killʼt them wha schawed aforehaun oʼ the comin oʼ the Righteous‐Ane, oʼ wham, eʼen noo, ye hae been the betrayers and murderers!