Mark 9:12 - New Testament in Braid Scots 1904 (William Wye Smith)

¹² And he answerʼt and tauld them, “Elijah, indeed, dis come first, to pit aʼ things to richts; and yet hoo is it written oʼ the Son oʼ Man, that he maun dree mony things, and be unco lichtlied?

Mark 9:12 Iomraidhean Croise

Matthew 16:21

Frae that time forrit Jesus begude to schaw till his disciples, hoo that he bude gang to Jerusalem, and dree mony things oʼ the Elders and Heid‐priests and Writers; and be slain; and on the third day be waukened again.

Matthew 26:24

“The Son oʼ Man gangs, as it was written oʼ him; but wae to that man by wham the Son oʼ Man was deliverʼt up! It war gude for yon man gin he nevir had been born!”

Mark 10:33

“Tak tent! we gang up till Jerusalem; and the Son oʼ Man sal be deliverʼt up to the Heigh‐priests, and Scribes, and they sal adjudge him to deid, and sal gie him ower to the heathen;

Mark 9:13

“But I say tʼye, Elijah is come! and they hae done to him whatsaeʼer they wad, eʼen as it is putten doon concernin him.”

Mark 9:31

For he was teachin his disciples, sayin to them, “The Son oʼ Man is deliverʼt up intil the hauns oʼ men, and they wull slay him: and eftir he is slain, in thrie days he wull rise again.”

Luke 1:76

“And ye, bairn, sal be caʼd the Prophet oʼ the Maist Heigh; for ye sal gang on afore him, to mak ready his gangins;

Luke 23:11

And Herod, wiʼ his men‐at‐airms, geckin at him and flytin him, cuist aboot him a braw manteel, and sent him back to Pilate.

Luke 23:39

And ane oʼ the crucifyʼt ill‐doers was bannin him, sayin, “Are‐na ye the Anointit? Rescue yere selʼ and us!”

Acts 1:6

And sae they, whan they cam thegither, speirʼt at him, “Lord, do thou at this time bring back the kingdom to Israʼl?”

Acts 4:11

“Here is the stane lichtlied by ye that bigg, and it is made the copin oʼ the corner.