Mark 6:3 - New Testament in Braid Scots 1904 (William Wye Smith)

³ “Is this no the carpenter, Maryʼs son, brither to James and Joses, and Judas and Simon? And are na his sisters here wiʼ us?” And they took a scunner at him.

Mark 6:3 Iomraidhean Croise

Matthew 11:6

“And happy sal he be wha sees nae cause oʼ misdootin in me!”

Matthew 12:46

And whan he was eʼen‐noo speakin to the folk, see! his mither and his brithers stude oot‐by, seekin to speak wiʼ him.

Mark 15:40

And weemen too war thar, lookin on frae oot‐by: ʼmang wham war Mary Magdalene, and Mary (James the less, and Joseʼs mither), and Salome,

Mark 3:18

And Andro, and Philip, and Bartholomie, and Matthew, and Tammas, and James oʼ Alpheus, and Thaddeus, and Simon the Zealot.

Luke 2:34

And Simeon blessʼt them, and said to Mary his mither, “Lo! this Ane is set for the faʼin and staunin again oʼ mony in Israʼl: and for a sign to be miscaʼd.

Luke 7:23

“And weel may he be, wha finds nae cause oʼ stumblin in me!”

Luke 8:20

And it was said to him, “Yere mither and yere brethren are staunin oot‐by, and wad see ye!”

John 14:22

Judas says to him (no Iscariot), “Lord! hoo isʼt ye are to schaw yersel to us, and no to the warld?”

John 6:42

Quoʼ they, “Isna this Jesus, Josephʼs son? Hoo isʼt than that he says he cam doon frae Heeven?”

Acts 1:13

And whan they enterʼt, they gaed up intil the laft, whaur they bade; baith Peter, and John, and James, and Andro, Philip and Tammas, Bartholomie and Matthew, James (he oʼ Alpheus), and Simon the Zealot, and Judas oʼ James.

Acts 12:17

But, motionin to them wiʼ the haun to be whishʼt, he tellʼt them aʼ hoo the Lord had led him frae the prison; and said as weel, “Tell thir things to James and the brethren!” And, gaun on, he cam intil anither place.

1 Corinthians 1:23

Whauras we proclaim a Messiah wha has been crucifyʼt; to the Jews, indeed, a stumblin‐clog; but to the Greeks folly;

1 Corinthians 9:4

Hae‐we‐na richt to eat and drink?

Galatians 1:19

But oʼ the lave oʼ the Apostles saw I nane, but James, the brither oʼ the Lord.

1 Peter 2:4

To wham comin — a leevin stane, by men cuisten aside, but waled‐oot by God, and hauden in honor —

Jude 1:1

Jude, a servitor oʼ Jesus Christ, brither oʼ James, to thae wha bein in God the Faither beloved anes, and keepit in Jesus Christ, are the chosen.