Mark 4:7 - New Testament in Braid Scots 1904 (William Wye Smith)

⁷ “And ither fell amang the thorns; and the thorns cam up, and smoored it, and it brocht forth naething.

Mark 4:7 Iomraidhean Croise

Matthew 13:22

“And he sawn amang the thorns, this is he wha hears the word, and than the cark oʼ the warlʼ, and the glamor oʼ riches, smoor the word, and it bears nae frute.

Matthew 13:7

“And some fell whaur thorns had been; and up cam the thorns, and smoored it.

Matthew 13:8

“And some fell on the gude grunʼ, and brocht forth frute — this a hunner, that saxty, and the ither thretty.

Mark 4:6

“And whan the sun raise heigh, it was aʼ birslʼt up; and for that it had nae rute, it dwined awa.

Mark 4:8

“And ither fell intil the gude grunʼ, and gied frute, risin up and growin mair; and brocht forth to thretty‐fauld, saxty‐fauld, and a hunner‐fauld.”

Luke 12:15

And he said to them aʼ, “Tak tent, and keep yersels frae being sellie; for a manʼs life disna bide in his haddin or his gear.”

Luke 21:34

“But tak ye tent to yere sels! that yere hearts be‐na owercome wiʼ debauch and druckenness, and fash aboot this life, and that day come on ye aʼ at ance, as a snare.

Luke 8:14

“And thir that fell amang the thorns, are they that hear; and as they gang on their way, are smoorʼd wiʼ cark and care, and the gear and the joys oʼ this life, and bring nae frute to the ripenin.

Luke 8:7

“And ither fell amang the thorns; and, growin up wiʼt, the thorns smoorʼd it.