Mark 2:21 - New Testament in Braid Scots 1904 (William Wye Smith)

²¹ “Nane evir schews a clout oʼ unwaukit claith on an auld coat, or aiblins the new bit rives awa frae the auld, and the rent is the waur.

Mark 2:21 Iomraidhean Croise

Matthew 9:16

“And nae ane pits a clout oʼ new claith on an auld coat, for in waukin‐up it rives awa frae the cleedin, and the hole is made waur.

Mark 2:20

“But the days come whan the bridegroom is to be taen awa frae them; and than, iʼ thae days, sal they fast.

Mark 2:22

“And nane evir teems new wine intil auld wine‐skins; or aiblins the wine wull rive the skins, and the wine is tint, and the skins baith; but new wine gangs intil fresh wine‐skins.”

Luke 5:36

And he spak a parable to them: “Nae man pits a clout frae a new mantle on an auld ane; else, than baith the new piece maks a rive, and the new piece ʼgrees‐na wiʼ the auld.

1 Corinthians 10:13

Nae trial has come to ye but a human ane; and God is leal and true, and winna lat ye be tryʼt aboon what ye are fit to thole; but wull mak wiʼ the trial a gate oʼ escape, that ye may be able to haud oot.