Mark 2:1 - New Testament in Braid Scots 1904 (William Wye Smith)

¹ Ance mair comin intil Capernaum, it was reportit, “He is neath a roof again!”

Mark 2:1 Iomraidhean Croise

Matthew 4:13

And forsakin Nazareth, he cam and made his dwallin iʼ Capernaum, on the side oʼ the Loch, on the border oʼ Zabulon and Naphtali;

Matthew 9:1

And he enterʼt the boat, and gaed ower, and cam till his ain toun.

Mark 1:45

But he gaed oot, and begude to spread abreid the tale, sae that Jesus coud‐na gang intil ony citie, but was oot‐by in desert‐places: and they war comin till him frae aʼ pairts.

Mark 2:2

And at ance the folk aʼ gaitherʼt thegither, sae that thar was nae room, no eʼen aboot the door: and He spak the word to them.

Mark 3:20

And the thrang cam thegither again; sae that they coudna eʼen get their breid eaten.

Mark 7:17

And whan he was come intil the hoose frae the thrang, his disciples speirʼt at him anent the parable.

Mark 7:24

And frae thar he raise, and gaed intil the borders oʼ Tyre and Sidon. And he enterʼt intil a hoose, and wad hae nae man ken; but he coudna be keepit private.

Mark 9:28

And whan they war inside, the disciples speirʼt at him, “Why coud‐na we cast it oot?”

Luke 4:23

And he says to them, “Ye wull, oʼ a surety say to me, ‘Physician, heal yersel! As mony things as we heard oʼ bein dune at Capernaum, do here as weel, iʼ yere ain kintra‐side!’ ”

Luke 5:18

And look! they fesh on a couch a man wiʼ a stroke; and they socht to fesh him in, and lay him doon afore Him.

John 4:47

As sune as he got a sough oʼ Jesus comin oot oʼ Judea intil Galilee, he gaed till him, and besocht him to come doon and heal his son; for he was in extremitie.

Acts 2:6

And whan the sough oʼ this gat oot, the thrang cam aʼ thegither, and kent‐na what to think, whan they heard them speak, ilka man in his ain tongue.