Mark 13:9 - New Testament in Braid Scots 1904 (William Wye Smith)

⁹ “But tak tent to yersels; for they wull gie ye up to hie‐cooncils and kirks; ye maun be cloured; and fornent governors and kings maun ye staun for the sake oʼ me, for a testimonie to them.

Mark 13:9 Iomraidhean Croise

Matthew 5:22

“But say I tʼye, Whasae is angry wiʼ his brither‐man, sal be in danger oʼ the Coort: and wha sal say to his brither‐man, ‘Gonyel!’ sal be in danger oʼ the Cooncil: but wha sal say ‘Fule!’ sal be in danger oʼ the fire oʼ hell!

Mark 1:44

And says to him, “See! say ye nocht to ony; but gang yere ways, and schaw yersel to the priest, and offer for yere makin‐clean what Moses pat doon, to testify to them.”

Mark 13:5

And Jesus begude to say to them, “Tak tent that nae man lead ye a‐gley:

Mark 13:8

“For nation sal rise up again nation, and kingdom again kingdom: thar sal be yirdins in a hantle places; and thar maun be famines. Thir are the bearin‐pains comin on.

Mark 6:11

“And whatna place wull‐na receive ye, nor hear to ye, as ye gang oot fraeʼt, flaff aff the vera gryminʼ oʼ mool frae yere feet for a witness again them.”

Luke 9:5

“And as mony as winna tak ye in, whan ye gang frae that citie, flaff aff the stour frae yere feet for testimonie again them.”

John 15:20

“Keep mind oʼ the word I gied ye, ‘The servant isna aboon the Maister!’ Gin they hae persecutit me, they wull eʼen persecute you; gin they mind my sayin, they wull mind yours.

John 16:2

“Ye sall be putten oot oʼ the Kirk: aye, the time is at haun that gin ony ane sheds yere blude, he wull fancy he sers God!

Acts 21:11

And comin till us, he liftit Paulʼs girdle, and fankit his ain feet and hauns, and quoʼ he, “Thir things says the Holie Spirit, ‘The man whase aucht this girdle, sal the Jews sae binʼ in Jerusalem, and gie him intil Gentile hauns.’ ”

Acts 7:54

Noo, as they heard thae things, they war stricken to the heart, and they gnashʼt at him wiʼ their teeth.

Acts 9:16

“For I wull schaw to him what unco things he maun dree for the sake oʼ my name.”

Philippians 1:29

For, to you was gien as a favor, no only to be haein faith in Christ, but eke in his behauf to be sufferan:

2 Thessalonians 1:5

A token oʼ the just judgment oʼ God; to the end that ye soud be reckoned wordie oʼ Godʼs kingdom, on behauf oʼ whilk ye suffer.

2 John 1:8

Tak ye gude tent to yersels, least ye tine what things ye did win; but that a fuʼ reward ye may duly hae.

Revelation 1:9

I John, yere brither, and yere marrow in dool, and the kingdom, and the tholin, in Jesus, was iʼ the Isle caʼd Patmos, for the sake oʼ the word oʼ God, and the witness oʼ Jesus.

Revelation 2:10

“Be‐na‐fleyʼt as to whatna things ye are to dree. And look! the Enemy is aboot to cast some oʼ ye intil thrall, that ye may be testit; and yeʼse hae dool ten days. Be ye leal to death, and I wull gie ye the croon oʼ Life!

Revelation 2:13

“I ken whaur ye dwall, eʼen whaur Sautan has his thron; and that ye haud siccar my name, and that ye didna disown my faith, eʼen iʼ the days oʼ Antipas, my leal ane, wha was slain amang ye, whaur Sautan bides.