Mark 13:11 - New Testament in Braid Scots 1904 (William Wye Smith)

¹¹ “And whan they lead ye, deliverin ye up, be‐na fashin yersels aforehaun what ye sal say; but whatsae sal be gien ye iʼ that ʼoor, that speak; for it isna ye that speak; but the Holie Spirit.

Mark 13:11 Iomraidhean Croise

Matthew 10:17

“But tak tent oʼ men! for they wull gie ye up to Cooncils, and clour ye iʼ their kirks;

Mark 13:12

“And brither wull gie up the brither to deid: and the faither the bairn; and bairns sal rise up again their parents, that they be putten to death.

Mark 13:9

“But tak tent to yersels; for they wull gie ye up to hie‐cooncils and kirks; ye maun be cloured; and fornent governors and kings maun ye staun for the sake oʼ me, for a testimonie to them.

Luke 21:12

“And, afore aʼ thae things, they wull lay hauns on ye; and wull persecute — giean ye up to kirks and dungeons — leadin awa afore kings and governors for my nameʼs sake.

John 3:27

John says to them, “Ane can hae naething gien him, gin it be na frae Heeven.

Acts 2:4

And they war aʼ fuʼ oʼ the Holie Spirit, and spak wiʼ ither tongues, as the Spirit gied them words.

Acts 3:13

“The God oʼ Abraʼm, oʼ Isaac, and oʼ Jaucob, the God oʼ oor faithers, has glorifyʼt his Son Jesus; wham ye gied up, and disowned him fornent Pilateʼs face, when he was mindit to assoilzie him.

Acts 4:31

And whan they had prayed, the hoose trimilʼt whaur they war gaitherʼt; and ane‐and‐aʼ oʼ them war fuʼ oʼ the Holie Spirit; and they spak the word oʼ God wiʼ aʼ bravery.

Acts 6:10

And they warna fit to staun again the wisdom and the Spirit he spak wiʼ.

Acts 6:15

And aʼ that war iʼ the Cooncil, glowerin at him, saw his face eʼen like an Angelʼs face!

Acts 7:55

But he, fuʼ oʼ the Holie Spirit, lookit up aye to heaven and saw the glorie oʼ God, and Jesus staunin on Godʼs richt haun!

1 Corinthians 2:13

Whilk things eke we speak, no in man‐taught words oʼ lear; but in words spirit‐taught to spiritual men, spiritual things exponin.

Ephesians 3:5

Whilk knowledge in the generations by‐gane wasna made kent to the sons oʼ men, as it is noo made plain to his holie Apostles and Prophets iʼ the Spirit —

James 1:5

Gin ony oʼ ye want wisdom, lat him be seekin frae God, wha gies in rowth till aʼ, and wytes‐na; and it sal be gien him.

1 Peter 1:12

Till wham it was made kent, that no to theirsels, but to you they war bringin them; whilk things e‐noo are reportit to ye throwe thae wha deliverʼt the Blythe‐Message to ye, iʼ the Holie Spirit sent doon frae heeven; intil whilk things the Angels wad fain obteen a narer view.