Mark 12:12 - New Testament in Braid Scots 1904 (William Wye Smith)

¹² And they ettled to lay haud oʼ him; but they war fleyʼt oʼ aʼ the folk; for they saw he had spoken this parable anent them: and leavin him, they gaʼed aff.

Mark 12:12 Iomraidhean Croise

Matthew 21:26

“But gin we say, ‘Frae men,’ we are fleyʼt oʼ the people; for they aʼ haud John as a Prophet.”

Matthew 22:22

And whan they heard, they ferlied uncolie; and leaʼin him, gaed their gate.

Mark 11:18

And the Heid‐priests and the Scribes heard; and coonsellʼt hoo they micht destroy him: for they war fleyʼt oʼ him, for aʼ the folk war astonishʼt at his teachin.

Mark 11:32

“But gin we sae ‘Frae menʼ ” — they war fleyʼt oʼ the folk; for ane and aʼ held John in veritie to be a prophet.

Luke 20:19

And the Writers and Heid‐priests wad fain hae grippit him in that vera ʼoor; but they war fleyʼt oʼ the people; for they saw he had spoken this parable again them.

Luke 20:6

“And gin aiblins we soud say, ‘Frae men,’ the folk ane‐an‐aʼ wull stane us to deid; for they are aʼ perswadit that John was a Prophet.”

John 7:25

Than quoʼ some oʼ them oʼ Jerusalem, “Is this no he they seek to kill?

John 7:30

Than they socht to grip him; but as yet nae man pat hauns on him, for his ain ʼoor wasna yet come.

John 7:44

And a wheen oʼ them wad fain hae laid haud oʼ him; but nae man pat haun on him.