Mark 10:23 - New Testament in Braid Scots 1904 (William Wye Smith)

²³ And Jesus lookit roond aboot, and says he to his disciples, “Wiʼ what sair strivin sal they win to Heeven wha hae the riches!”

Mark 10:23 Iomraidhean Croise

Matthew 18:3

And quoʼ he, “Gin ye turn‐na, and come to be like a bairn, ye enter‐na intil the Kingdom oʼ Heeven.

Mark 10:15

“Truly say I tʼye, Whasae taks‐na till him the kingdom oʼ God as a wee bairn, heʼse in naegate comin in!”

Mark 10:22

But dule cam on him at that sayin; and he gaed his ways sorrowfuʼ; for he was haudin great estates.

Mark 3:5

And lookin roond aboot on them wiʼ indignation — haein grief for sic hardenin oʼ their hearts — he says to the man, “Rax oot yere haun!” And he strauchtit it oot; and his haun was made richt.

Mark 5:32

And he lookit weel roond, to see her wha had dune this thing.

Luke 18:24

And Jesus, behauldin him, that he was unco dowie, said, “Wiʼ whatna strivin sal they that hae riches, enter intil Godʼs Kingdom!

John 3:5

But Jesus spak: “Truly, truly say I tʼye, Gin a man be‐na watir‐born and Spirit‐born, heʼse no come intil Godʼs Kingdom!

1 Corinthians 1:26

For look at yere bidden, brethren; that no mony wyse accordin to the flesh, no mony oʼ pooer, no mony heigh anes war chosen;

James 2:5

Hearken, my beloved brethren! Hasna God taen the puir oʼ the warld to be rich in faith, and to hae the kingdom he has promised to thae that loʼe him?

James 4:4

Ye adulteresses! ken‐ye‐na that the freendship oʼ the warld is enmity wiʼ God? Wha, then, wad be a freend oʼ the warld is makin his sel a fae to God.

2 Peter 1:11

For sae sal unco richly be supplyʼt tʼye a graun enterin‐in to the evir‐bidin kingdom oʼ oor Lord and Saviour Jesus Christ.