Mark 1:2 - New Testament in Braid Scots 1904 (William Wye Smith)

² Eʼen as it is putten‐doon by Esaiah the prophet, “Lo! I send oot my messenger afore thy face, wha sal mak ready thy way for thy comin.

Mark 1:2 Iomraidhean Croise

Matthew 11:10

“For this is he oʼ wham it is written, ‘Tent ye! I send oot my messenger afore thy face, wha sal mak gangable thy fit‐path afore thee!’

Matthew 2:5

And quoʼ they, “In Bethlehem‐Judah; for sae it is putten doon by the prophet:

Matthew 26:24

“The Son oʼ Man gangs, as it was written oʼ him; but wae to that man by wham the Son oʼ Man was deliverʼt up! It war gude for yon man gin he nevir had been born!”

Matthew 26:31

Than says Jesus till them, “Aʼ ye sal finʼ cause oʼ stumblin in me this nicht; for it is putten‐doon, ‘I wull clour the Shepherd; and the sheep oʼ his hirsel sal be scatterʼt abreid!’

Luke 1:70

“As he spak by the word oʼ the prophets, wha hae been sinʼ the beginnin,

Luke 1:76

“And ye, bairn, sal be caʼd the Prophet oʼ the Maist Heigh; for ye sal gang on afore him, to mak ready his gangins;

Luke 18:31

And takin the Twalʼ aside by their sels, he said to them, “Tak tent! we are gaun up till Jerusalem; and aʼ things wull come aboot that hae been putten‐doon anent the Son oʼ Man.