Luke 9:51 - New Testament in Braid Scots 1904 (William Wye Smith)

⁵¹ And it cam aboot, that whan the days oʼ his takin‐up war come, he siccarlie set his face to gang to Jerusalem.

Luke 9:51 Iomraidhean Croise

Mark 16:19

Sae than the Lord Jesus, eftir he had spoken to them, was taʼen up till Heeven, and sat doon on the richt haun oʼ God:

Luke 12:50

But a bapteezin hae I to be bapteezʼt wiʼ; and hoo fain am I till the time it be aʼ endit!

Luke 13:22

And he was gaun on his way, throwe citie by citie, and village by village, teachin and journeyin on to Jerusalem.

Luke 17:11

And it cam aboot, that whan he was gaun on toward Jerusalem, he passed on throwe the mids oʼ Samaria and Galilee.

Luke 18:31

And takin the Twalʼ aside by their sels, he said to them, “Tak tent! we are gaun up till Jerusalem; and aʼ things wull come aboot that hae been putten‐doon anent the Son oʼ Man.

Luke 19:11

And whilst they war listenin to thir things, he addit and spak a parable, forasmuckle as they war nar Jerusalem, and they expeckit the Kingdom oʼ God was at ance to shine oot.

Luke 19:28

And whan he had said thir things, he gaed on afore, gaun up to Jerusalem.

Luke 24:51

And it cam aboot, that eʼen while he was blessin them, he pairtit frae them, and was taʼen up to Heeven.

Luke 9:57

And as they journeyʼd on, ane said to him, “Iʼse follow thee whaursaeʼer thou may gang!”

John 13:1

Noo, afore the Pasche, Jesus kennin that his ʼoor cam on, whan he soud gang oot frae this warld to the Faither — as he had loʼed his ain iʼ the warld, he loʼed them to the hinmaist.

John 16:28

“I cam frae the Faither, and am come to the warld; again, I leaʼ the warld, and gang to the Faither.”

John 16:5

“But noo I gang my gate to him wha sent me; and nane oʼ ye speir at me, ‘Whaur gang ye?’

John 17:11

“And now I am nae mair iʼ the warld; I come ben to thee! but thir bide iʼ the warld. Faither aye holie! keep by thy ain nameʼs micht aʼ thou giʼest me, that they may be ane, eʼen as we are ane!

John 6:62

“What, than, gin ye see the Son oʼ Man gang awa up whaur he was afore?

Acts 1:2

Till whatna day he was taen up, eftir that he had by the Holie Spirit gien commauns to the Apostles he had waled oot;

Acts 1:9

And whan he had said thir things, while they war lookin on, he was liftit up; and a clud happit him oot oʼ their sicht.

Ephesians 1:20

Whilk he wrocht in Christ, raisin him frae ʼmang the deid, and settin him doon amang aʼ the heevenlies, at his ain richt‐haun,

Philippians 3:14

I press on for the gree, for the prize oʼ the biddin (frae on heigh) oʼ God in Christ Jesus.

1 Timothy 3:16

And, ayont aʼ doot, great is the mysterie oʼ godliness! He was made kent iʼ the flesh, declarʼt richtous by the Spirit, seen oʼ Angels, was preached amang the nations, was lippened on iʼ the warld, was taen up in glorie!

Hebrews 12:2

Lookin‐awa till oor Leader?-?Prince and Perfeter, Jesus; wha for the joy held afore him, tholed the cross, and lichtlied the shame; and on Godʼs richt haun has taen his seat.

Hebrews 6:20

Whaur Jesus, as fore‐rinner for us, has enterʼt; wha “was made a Heigh‐priest for aye, iʼ the order oʼ Melchizedek.”

1 Peter 3:22

Wha is at Godʼs richt haun, haein passed intil the heevens; Angels, and authorities, and pooers, bein made obedient to him.