Luke 9:44 - New Testament in Braid Scots 1904 (William Wye Smith)

⁴⁴ “Lat thir words sink doon intil yere lugs: for the Son oʼ Man is sune to be deliverʼt intil the hauns oʼ men!”

Luke 9:44 Iomraidhean Croise

Matthew 16:21

Frae that time forrit Jesus begude to schaw till his disciples, hoo that he bude gang to Jerusalem, and dree mony things oʼ the Elders and Heid‐priests and Writers; and be slain; and on the third day be waukened again.

Matthew 26:2

“Ye ken that twa days mair, and the Pasche comes; and the Son oʼ Man is deliverʼt up to be crucifyʼt.”

Mark 8:31

And he begude to schaw them that the Son oʼ Man maun dree mony things, and be rejeckit oʼ the Elders, and the Heid‐priests, and the Scribes, and be slain; and eftir thrie days to rise again.

Mark 9:31

For he was teachin his disciples, sayin to them, “The Son oʼ Man is deliverʼt up intil the hauns oʼ men, and they wull slay him: and eftir he is slain, in thrie days he wull rise again.”

Luke 1:66

And aʼ wha heard it laid it up in their hearts, sayin, “Whatna bairn sal this be?” for the haun oʼ the Lord was wiʼ him.

Luke 18:31

And takin the Twalʼ aside by their sels, he said to them, “Tak tent! we are gaun up till Jerusalem; and aʼ things wull come aboot that hae been putten‐doon anent the Son oʼ Man.

Luke 2:19

But Mary keepit aʼ thae things, pondering on them in her heart.

Luke 2:51

And he gaed doon wiʼ them, and cam till Nazareth, and obeyʼt them; but his mither laid up aʼ thae things in her heart.

Luke 24:44

And he said to them, “Thir are the words I spak tʼye, bein yet wiʼ ye; that they maun needs be fulfilled — aʼ things putten‐doon iʼ the law oʼ Moses, and the Prophets, and Psalms, anent me.”

Luke 9:22

Sayin, “The Son oʼ Man maun dree mony things, and be rejeckit oʼ the Elders, the Heid‐priests and the Writers; and be slain; and on the third day rise!”

John 16:31

Jesus answerʼt, “Dae ye noo believe?

John 16:4

“But I hae tellʼt ye thae things, sae whan the time comes, ye sal caʼ to mind I tellʼt ye oʼ them. And thir things I gied‐ye‐na at the first, for I was wʼye.

John 19:11

Jesus answerʼt, “Ye coud hae nae pooer ava again me, gin it warna gien ye frae Aboon: sae he wha deliverʼt me to ye has the chief sin.”

Acts 2:23

“Him, bein (iʼ the marked‐oot coonsel and fore‐kennin oʼ God) deliverʼt up, ye by the hauns oʼ lawless anes hae crucifyʼt and slain.

Hebrews 2:1

And for the sake oʼ aʼ this, we soud ettle sair to haud fast the things that war heard, least at ony time we soud slype awa.