Luke 9:1 - New Testament in Braid Scots 1904 (William Wye Smith)

¹ And, caʼin thegither the Twal, he gied them pooer and authoritie ower aʼ the demons, and to heal diseases.

Luke 9:1 Iomraidhean Croise

Matthew 16:19

“And I wull gie tʼye the keys oʼ Heevenʼs Kingdom; and what ye sal bind on the yirth sal be bund in Heeven; and what ye sal lowse on the yirth sal be lowsed in Heeven.”

Matthew 4:24

And the sough oʼ him gaed oot intil aʼ Syria: and they feshʼt till him aʼ wha war ill wiʼ aʼ diseases and pains, and thae possessʼt wiʼ demons, and dementit, and that had a stroke: and he healed them.

Matthew 8:9

“For eʼen I my sel, a man aneath authoritie, hae sodgers under me; and I say till ane ‘Gang,’ and he gangs; and till another ‘Come,’ and he comes; and till my servant‐lad, ‘Do sae and sae,’ and he dis it!”

Luke 10:1

And, eftir thir things, the Lord took seeventy mair, as weel, and sent them oot, twa by twa, afore his face, intil ilka toon and place whaur he wad come his sel.

Luke 10:19

“Behauld! I hae giʼen tʼye richt to tramp on serpents and scorpions, and on aʼ the pooer oʼ the enemie; and naething sal in onygate skaith ye.

John 14:12

“Truly, truly say I tʼye, Wha believes on me sal do my warks, and eʼen greater; for I gang awa tae my Faither.

Acts 1:8

“But ye sal hae strenth, eftir the Holie Spirit is come to ye; and ye sal be witnesses for me baith in Jerusalem, and in aʼ Judea and Samaria, and to the far‐awaʼ ends oʼ the yirth.”

Acts 3:16

“And by lippenin on his name, has his name garʼt this man to hae strenth, wham ye see and ken: aye, eʼen this lealness that comes by him, has gien this perfete soondness fornent ye aʼ.

Acts 4:30

“Eʼen while thou sal rax oot thy haun to heal; and that tokens and ferlies may be dune iʼ the name oʼ thy Holie Ane, Jesus.”

Acts 9:34

And Peter says to him, “Eneas! Jesus the Christ heals ye! Rise, and mak yere bed!” And he raise at ance.