Luke 8:8 - New Testament in Braid Scots 1904 (William Wye Smith)

⁸ “And ither some fell intil the gude grunʼ; and brairdin, brocht forth frute, a hunner‐fauld.” Thir things sayin, he cryʼt alood, “He wha has lugs to hear, let him hear!”

Luke 8:8 Iomraidhean Croise

Matthew 11:15

“He wha has hearin to hear, sae lat him hear!

Matthew 13:23

“But he sawn on the gude grunʼ, this is he wha baith hears and understauns the word; wha eʼen brings forth frute; and gies, this a hunner, that saxty, and the ither thretty.”

Mark 4:20

“And yon are they on the gude grunʼ sawn, sic as hear the Word, and tak it in, and bear frute; thretty, saxty, and a hunner‐fauld.”

Mark 4:23

“Gin ony man has hearin to hear, lat him hear!”

Mark 4:8

“And ither fell intil the gude grunʼ, and gied frute, risin up and growin mair; and brocht forth to thretty‐fauld, saxty‐fauld, and a hunner‐fauld.”

Mark 7:16

“Gin ony ane has hearin to hear, lat him tak tent!”

Luke 14:35

“It is naither fit for the field nor the midden; but it is cuisten oot‐by. Wha has hearin lat him hear!”

Luke 8:15

“But that iʼ the gude grun are they wha, in an honest and leal heart, hear the word and grip it fast; and, tholin aʼ, bring their frute to perfeteness.

Luke 8:7

“And ither fell amang the thorns; and, growin up wiʼt, the thorns smoorʼd it.

Ephesians 2:10

For his ain wark are we oorsels; bein formed in Christ Jesus for gude warks, whilk God afore made ready that we soud gang in them.

Colossians 1:10

That ye soud walk in sic mainner wordie oʼ the Lord, until pleasin him; in aʼ gude warks bearin frute, and growin in the lear oʼ God.

Revelation 13:9

Gif ony ane has hearin, lat him hear.

Revelation 2:11

“Wha has hearin, lat him hear what the Spirit says to the Kirks! He that prevails, sal in naegate be skaithed oʼ the second death.

Revelation 2:7

“Wha has hearin, lat him hear what the Spirit is sayin to the Kirks! To him wha prevails, I wull gie to him to eat oʼ the tree oʼ Life, whilk is in the Paradise oʼ God.

Revelation 3:13

“He that has hearin lat him hear what the Spirit is sayin to the Kirks!

Revelation 3:6

“He that has hearin, lat him hear what the Spirit is sayin to the Kirks!