Luke 8:14 - New Testament in Braid Scots 1904 (William Wye Smith)

¹⁴ “And thir that fell amang the thorns, are they that hear; and as they gang on their way, are smoorʼd wiʼ cark and care, and the gear and the joys oʼ this life, and bring nae frute to the ripenin.

Luke 8:14 Iomraidhean Croise

Matthew 13:22

“And he sawn amang the thorns, this is he wha hears the word, and than the cark oʼ the warlʼ, and the glamor oʼ riches, smoor the word, and it bears nae frute.

Mark 4:19

“And the cark oʼ the warld, and the glamor oʼ riches, and the fainness for ither things comin in, ding oot the Word, and it is unfrutefuʼ.

Luke 16:13

“Nae servant can be in service tae twa maisters; for aither the ane he hates, and the tither he loʼes; or to the ane he wull haud, and lichtlie the tither: ye canna be in service baith to God and Mammon!”

Luke 21:34

“But tak ye tent to yere sels! that yere hearts be‐na owercome wiʼ debauch and druckenness, and fash aboot this life, and that day come on ye aʼ at ance, as a snare.

Luke 8:13

“And thir on the rock are they wha, whan they hear, wiʼ joy welcome the word; but they hae nae rute — wha believe for a wee, and in time oʼ trial faʼ away.

Luke 8:15

“But that iʼ the gude grun are they wha, in an honest and leal heart, hear the word and grip it fast; and, tholin aʼ, bring their frute to perfeteness.

Luke 8:7

“And ither fell amang the thorns; and, growin up wiʼt, the thorns smoorʼd it.

John 15:6

“Gin ony man bide‐na in me, he is cuisten oot as a fushionless branch, and dwines awa; and folk soop them thegither, and set them alowe, and they are brunt.

1 Timothy 6:17

Them that are rich in this present world, chairge ye no to be prood, nor lippen to the uncertaintie oʼ riches; but on God, wha gies us a rowth oʼ aʼ things to enjoy:

2 Timothy 4:10

For Demas gaed awa frae me, carin for this present life, and has gane to Thessalonica; Crescens intil Gaul; Titus intil Dalmatia.

Hebrews 6:1

Thar‐for, lat us leaʼ thir beginnins oʼ the things oʼ Christ, and gang on toward fuʼ growth; no layin ower again the fundation oʼ turning frae deid warks, and oʼ faith toward God.