Luke 8:13 - New Testament in Braid Scots 1904 (William Wye Smith)

¹³ “And thir on the rock are they wha, whan they hear, wiʼ joy welcome the word; but they hae nae rute — wha believe for a wee, and in time oʼ trial faʼ away.

Luke 8:13 Iomraidhean Croise

Mark 6:20

For Herod was in fear oʼ John, kennin him to be a just and holie man, and keepit him safe: and listenin till him, he did a hantle oʼ things, and was fain to hear him.

Luke 8:12

“And they by the fit‐road are they wha hear; than comes Sautan, and cleeks awa the word frae their heart, least, believin, they soud be saved.

Luke 8:14

“And thir that fell amang the thorns, are they that hear; and as they gang on their way, are smoorʼd wiʼ cark and care, and the gear and the joys oʼ this life, and bring nae frute to the ripenin.

John 15:2

“Ilka branch in me that bears‐na frute he taks awa; and ilka ane bearin frute he prunes it, sae as it soud produce the mair.

John 15:6

“Gin ony man bide‐na in me, he is cuisten oot as a fushionless branch, and dwines awa; and folk soop them thegither, and set them alowe, and they are brunt.

John 5:35

“He was a licht that lowed and glintit; and ye war fain for a wee to glorie in his licht.

1 Corinthians 13:2

And gin I hae the gift oʼ foretellin, and ken aʼ hidden things, and aʼ lear; and gin I hae aʼ faith, sae as to gar mountains flit, but hae‐na love, I am naething.

1 Corinthians 15:2

And throwe whilk ye are saved, gin ye haud siccar the word I tellʼt ye, in whilk I spak to ye the Joyfuʼ‐message; gin ye hae‐na lippened in vain!

Galatians 3:1

O glaikit Galations! wha cuist glamour ower ye, afore whase vera een Jesus Christ was clearly schawn as a crucifyʼt Ane?

Galatians 3:4

Tholed ye sic things for nocht? (gin it yet be for nocht.)

Ephesians 3:17

To hae Christ dwallin throwe faith iʼ yere hearts;

Colossians 1:23

Gin at least ye bide iʼ the faith, sterk and steive, and no dung?-?awa frae the hope oʼ the Gude‐word ye heard, that was preached till aʼ the creation ʼneath the heevens; oʼ whilk I Paul becam a servitor.

Colossians 2:7

Bein firm‐rutit and up‐biggit in him, and bein made siccar iʼ the faith, conform till yere teachin; aboundin in thanksgivin.

1 Thessalonians 3:5

And for this cause, nae mair happin ower my fainness, I sent to ken oʼ yere faith, least by ony means the tempin‐ane had tempit ye, and oor toil soud be aʼ in vain!

1 Timothy 1:19

Haudin lealness and a clean conscience; whilk some castin frae them, hae as to the faith made ship‐wreck;

Hebrews 10:39

But we are‐na oʼ them wha gang back to perdition; but oʼ faith, to the salvation oʼ the saul.

James 2:26

For eʼen as the body, sindry frae the spirit, is deid; sae thus faith, sindry frae warks, is deid.

2 Peter 2:20

For gin aiblins eftir they had escapit the pollutions oʼ the warld, throwe a knowledge oʼ the Lord and Saviour Jesus Christ, they are again taiglʼt thar‐in — their last state is waur nor the first!

2 Peter 2:22

It has come aboot wiʼ them conform to the true sayin, “The dog turnin again to his ain spuein;” and, “A sow weshed, to wallowin iʼ the muck.”

1 John 2:19

Frae ʼmang us they gaed oot, but they warna ane wiʼ us; for gin they had been ane wiʼ us, they wad hae bidden wiʼ us; but it was that they soud be kent, hoo they warna oʼ us.

Jude 1:12

Thir are they that are like hidlin rocks at yere love‐feasts, whan they feast wʼye; shepherds feedin theirsels withoot shame; cluds wantin moisture, by the winds driven on; trees oʼ the leaf‐faʼin, wantin frute, twice deid, rived up by the rutes;