Luke 8:10 - New Testament in Braid Scots 1904 (William Wye Smith)

¹⁰ And he said, “To you it is giʼen to win the knowledge oʼ the mysteries oʼ Godʼs Kingdom: but to the lave in parables: sae seein they see‐na, and hearin they understaun‐na.

Luke 8:10 Iomraidhean Croise

Matthew 11:25

At that time Jesus spak, and said: “I gie thee thanks, O Faither, Lord oʼ Heeven and Yirth! that thou did hide thir things frae the wyss and the discernin, and did schaw them till weans!

Matthew 16:17

And Jesus answerin, says till him, “Happy are ye, Simon, son oʼ John! for nae flesh and blude tellʼt it tʼye, but my Faither iʼ the Heevens.

Mark 4:11

And he says to them, “To you the mysteries oʼ the Kingdom oʼ God hae been giʼen; but to them oot‐by, aʼ thir things are gien in parables;

Mark 4:12

“Sae that lookin they may look, and no see; and hearin they may hear, and no understaun: gin aiblins they soud turn, and it soud be forgiʼen them.”

John 12:40

“Their eʼen are blindit, and their heart made hard; that they soudna see wiʼ their eʼen, nor understaun wiʼ their heart, and be turned, and I soud heal them!”

Romans 16:25

Noo to him wha has pooer to dar ye siccarlie staun, conform to my Joyfuʼ‐message, eʼen the preachin oʼ Jesus Christ, accordin to the revealin oʼ the mystery, in by‐gane ages keepit close,

1 Corinthians 12:11

But aʼ thir dae that ae and the self‐same Spirit work inwardly, giean oot to ilk ane, allenarlie eʼen as he wull.

Colossians 2:2

In order that their hearts may be comfortit, bein wrocht aʼ intil ane in love, eʼen till aʼ the treasurs oʼ the perfete assurance oʼ the mind, till a fuʼ knowledge oʼ the mysterie oʼ God, eʼen Christ.

1 Timothy 3:16

And, ayont aʼ doot, great is the mysterie oʼ godliness! He was made kent iʼ the flesh, declarʼt richtous by the Spirit, seen oʼ Angels, was preached amang the nations, was lippened on iʼ the warld, was taen up in glorie!