Luke 7:40 - New Testament in Braid Scots 1904 (William Wye Smith)

⁴⁰ And Jesus, answerin, says to him, “Simon, I hae a thing to say tʼye.” And he says, “Maister, say on!”

Luke 7:40 Iomraidhean Croise

Matthew 26:49

And at ance he cam to Jesus, and said, “Hail, Maister!” wiʼ unco kissin.

Matthew 7:22

“Mony a ane wull say to me iʼ that day, ‘Lord, Lord! prophesyʼt we‐na iʼ thy name? And cuist‐we‐na oot demons iʼ thy name? And did‐we‐na mony ferlies iʼ thy name?’

Luke 18:18

And ane speirʼt at him — a ruler — sayin, “Gude Maister; by doin what, may I hae life‐eternal?”

Luke 5:22

But Jesus kennin their thochts, says to them, “Why are ye debatin iʼ yere hearts?

Luke 5:31

And Jesus answerin, says to them, “Itʼs no the hale anes wha want the leech, but the ill anes!

Luke 6:8

Noo he kent their thochts; natheless he says to the man wiʼ his haun dwined awa, “Rise ye, and staun forth iʼ the mids!” And he raise, and stude forth.

Luke 7:39

But the Pharisee wha had bidden him, seein it, spak till his sel: “This ane, gin he war a prophet, wad hae taen tent wha and oʼ whatna sort this wumman is that touches him — that she is a bad ane.”

Luke 7:41

“Thar was a certain creditor wha had twa debtors; the ane was awn fyve‐hunner siller‐pennies, and the tither fifty.

John 13:13

“Ye caʼ me ‘Maisterʼ and ‘Lord’; and ye say weel; for sae I am.

John 16:19

Noo Jesus kent they war fain to speir at him; and said to them, “Dʼye seek amang yersels to ken oʼ what I said, ‘A wee while ye see‐me‐na, and than a wee while and ye sal see me?’

John 16:30

“Noo see we weel that ye ken aʼ things, and need‐na ony ane to speir at ye: by this token we ken ye cam forth frae God!”

John 3:2

And he cam iʼ the mirk oʼ the nicht to Jesus, and quoʼ he, “Maister! we aʼ ken ye are a Teacher frae God; for nane could do sic wunner‐works as ye do, gin God warna wiʼ him!”