Luke 7:22 - New Testament in Braid Scots 1904 (William Wye Smith)

²² And Jesus answerin, said to them, “Gang yere ways, and cairry word to John what ye saw and heard: hoo the blinʼ win their sicht, the lameters gang aboot, lepers are made clean, the deif hear, the deid are raised, and the needy hae the joyfuʼ message preached to them.

Luke 7:22 Iomraidhean Croise

Matthew 11:5

“The blinʼ are gettin their sicht, the lameters walk aboot, the lepers are made clean, the deif are hearin, the deid are raised up, the puir and destitute hae the Blythe‐message proclaimʼt till them!

Matthew 21:14

And there cam till him iʼ the Temple the blinʼ and the lameters; and he healed them.

Luke 4:18

“The Spirit oʼ the Lord is on me, for that he has anointit me to preach gude tidins to the puir; he has sent me to tell oot their release to the prisoners, and to the blinʼ receivin oʼ sicht; to send awa free thae that war wranged.

Luke 7:21

At that ʼoor he healed mony oʼ their ills and plagues, and foul spirits; and on mony blinʼ he bestowed sicht.

Luke 7:23

“And weel may he be, wha finds nae cause oʼ stumblin in me!”

John 1:46

But Nathaniel says, “Can ony gude come oot oʼ Nazareth?” Philip says to him, “Juist come and see!”

Acts 26:18

“ ‘To unsteek their een, that they may turn them aboot frae the mirk intil the licht, and frae Sautanʼs rule to God; that they may hae their sins forgiʼen, and hae their lot amang them wha are sanctifyʼt by faith in me.’

Acts 8:7

For foul spirits, skirlin wiʼ rage and pain, cam oot oʼ a hantle possessʼd anes; and mony wiʼ palsies, and that war lameters, war made hale.

James 2:5

Hearken, my beloved brethren! Hasna God taen the puir oʼ the warld to be rich in faith, and to hae the kingdom he has promised to thae that loʼe him?