Luke 7:19 - New Testament in Braid Scots 1904 (William Wye Smith)

¹⁹ And caʼin to him twa certain anes oʼ his disciples, John sent them to the Lord, sayin, “Are ye the Ane that soud come? or are we to look for anither ane?”

Luke 7:19 Iomraidhean Croise

Mark 6:7

And he caʼd till him the Twalʼ, and begude to send them oot, twa and twa; and he gied them pooer ower foul spirits;

Luke 10:1

And, eftir thir things, the Lord took seeventy mair, as weel, and sent them oot, twa by twa, afore his face, intil ilka toon and place whaur he wad come his sel.

Luke 11:1

And it cam aboot, whan he was in a particular place, prayin, as he endit ane oʼ his disciples said to him, “Lord! tell us hoo to pray; eʼen as John tellʼt his disciples!”

Luke 11:39

But the Lord said to him, “Noo, ye Pharisees purify the ootside oʼ the cup and the dish; but yere inner pairt is fuʼ oʼ extortion and sin.

Luke 12:42

And the Lord says, “Wha than, is the true leal steward, the canny ane, wham his maister wull set ower his hame‐servants, to gie them at due times the portion oʼ their meat?

Luke 13:15

But the Lord answerʼt him, and said, “Ye pretenders! disna ilk ane oʼ ye lowse his ox or his ass frae the tether on the Sabbath day, and lead it awa to drink?

Luke 17:5

And the Apostles said to the Lord, “Gie us mair faith!”

Luke 17:6

And the Lord said, “Gin ye had faith eʼen as a grain oʼ the mustard seed, ye wad say to this sycamore, ‘Be ye liftit, and be plantit iʼ the deep!’ and it soud obey ye.

Luke 18:6

And the Lord says, “Hear ye what the fause judge says!

Luke 19:8

But, staunin afore him, Zaccheus said, “Lord! I gie the hauf oʼ my gear to the puir; and gin frae ony ane I hae taen by fause dealin, I gie him back fowr‐fauld!”

Luke 22:61

And turnin his sel, the Lord lookit on Peter. And Peter mindit the word oʼ the Lord, hoo he said to him, “Or the cock craw this day, ye sal thrice utterly deny me!”

Luke 24:34

“The Lord did rise! and appearʼt to Simon!”

Luke 7:13

And whan the Lord saw her, he had unco pitie on her, and says to her, “Dinna greet!”

Luke 7:20

And comin to him, the men said, “John Baptist has sent us to thee, sayin, ‘Are ye the Ane that soud come? or are we to look for anither ane?’ ”

John 11:2

It was the same Mary wha anointit the Lord wiʼ the ointment, and dightit his feet wiʼ her hair, whase brither Lazarus was ill.

John 4:1

Noo, whan the Lord kent the Pharisees had word that he gaitherʼt in and bapteezʼt mair folk than John did —

John 4:25

The wumman says, “I ken Messiahʼs comin, that folk caʼ ‘The Christ’; whan he comes, heʼll tell us aʼ.”

John 6:23

(Hoosever thar cam ither boats frae Tiberias, nar‐haun the bit whaur they had breid, eftir that the Lord had gied thanks:)

Revelation 11:3

“And I wull gie to my Twa Witnesses, and they sal prophesie twal‐hunner and saxty days, cleedit in sack‐claith.