Luke 7:16 - New Testament in Braid Scots 1904 (William Wye Smith)

¹⁶ And a gliff fell on them aʼ; and they magnifyʼt God, cryin, “A great prophet has raise up amang us!” and “God has visitit his folk!”

Luke 7:16 Iomraidhean Croise

Matthew 15:31

Sae that the folk ferlied uncolie, to behauld the dumb speakin, the maimed hale, the lameters to gang, and the blinʼ seein; and they glorifyʼt the God oʼ Israʼl.

Matthew 21:11

And aʼ the folk said, “This is Jesus the Prophet — frae Nazareth oʼ Galilee!”

Matthew 28:8

And quickly leaʼin the tomb, in muckle fear and muckle joy, they ran to tak word to the disciples.

Matthew 9:8

And aʼ the folk, seein it war dauntit wiʼ fear, and glorifyʼt God for gien sic pooer to men!

Luke 1:65

And fear fell on aʼ the neebors; and this was noised abreid ower the hill‐pairt of Judea.

Luke 1:68

“Blest be the Lord God oʼ Israʼl, wha has regairdit his ain folk, and wrocht salvation for them!

Luke 19:44

“And wull ding thee doon to the grunʼ, and thy bairns within thee; for that thou wadna tak tent oʼ the time oʼ thy visitation!”

Luke 2:20

And the shepherds returned, giean glorie to God, for aʼ thae things they saw and heard; eʼen as it was tellʼt them.

Luke 24:19

And he said, “Whatna things?” And they said to him, “Anent Jesus oʼ Nazareth, that was a prophet, a man michty in deed and word, in Godʼs sicht, and oʼ aʼ the folk.

Luke 5:26

And they war aʼ astoundit, and glorifyʼt God; and war fuʼ oʼ dreid, sayin, “We hae seen unco things the day!”

Luke 5:8

And Simon Peter, whan he saw, fell doon at Jesusʼ knees, cryin, “Depairt frae me, for I am a sinfuʼ man, O Lord!”

Luke 7:15

And he that was deid sat up, and begude to speak. And he gied him ower to his mither.

Luke 7:39

But the Pharisee wha had bidden him, seein it, spak till his sel: “This ane, gin he war a prophet, wad hae taen tent wha and oʼ whatna sort this wumman is that touches him — that she is a bad ane.”

Luke 8:37

Than the hail oʼ the kintra‐side oʼ the Gerasenes entreatit him to depairt frae them; for they war hauden wiʼ a great fear. And he, gaun intil a boat, returned again.

Luke 9:19

And they answerʼt him, “John the Baptist; ithers Elijah; and yet ithers, that ane oʼ the auld prophets is risen again!”

John 1:21

And they speirʼt, “What than? Are ye Elijah?” And he said, “I am no!” “Are ye The Prophet?” And he still said, “Na.”

John 1:25

And they still speirʼtat him, and said, “Why are ye bapteezin, than, gin ye are naither the Anointit Ane, nor Elijah, nor yet The Prophet?”

John 4:19

Quoʼ the wumman, “Sir, I jalouse ye maun be a Prophet!

John 6:14

Than thae men, whan they had seen the ferlie wrocht by Jesus, cryʼt aʼ, “This is, oʼ a certaintie, yon Prophet that was to come intil the warld!”

John 9:17

Than said they again to the man that was blinʼ, “What say ye aboot him, sinʼ he has openʼd yere eʼen?” Quoʼ he, “He is a Prophet!”

Acts 5:5

And Ananias, hearin thir words, fell doon and deeʼt; and muckle fear fell on aʼ that heard.

Acts 7:37

“This is yon Moses, wha said to the children oʼ Israʼl, ‘A Prophet sal the Lord yere God raise up to ye oʼ yere brethren, like to me.’

Galatians 1:24

And they magnifyʼt God in me.